Pahayag 22:2 - U Maganda A Baheta Ni Jesu-Cristo

² Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.

Pahayag 22:2 Σταυροειδείς Αναφορές

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 21:21

U sapulo ay ti duwwa a pintuwan ay perlas, u balang essa ay gábwat ti essa la a perlas. U kakarsada tu banuwan ay puro a ginto sakay tunay a lekmang a konna tu bubug.

Pahayag 21:24

I demlagan itod u mangdemlag tu lakadán nu tolay hide tu iba-iba a bansa ti lutaáy; sakay iyangay hod nu hare hide ti munduway u kayamanan de hide.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.

Pahayag 22:19

Sakay ni deya man u mangibut tu agum a upos tu pahayag hide a nesulat he ay awan payagen nu Diyos a mákbahagi a kuman tu bunga nu kayo a makapangatád ti biyag, sakay ibutan nu Diyos u karapatan na a sumáddáp tu Banal a Banuwan a nakagi he.