Pahayag 2:7 - U Maganda A Baheta Ni Jesu-Cristo

⁷ Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 2:7 Σταυροειδείς Αναφορές

Mateo 11:15

Ni ti deya u masoh a mágsaneg ay dapat mágsaneg ti husto sakay intendiyán na u kinagi ko.”

Mateo 13:43

Sakay dumemlag nadid u malinis hide a tolay konna tu aldew hod tu kahariyan nu Ama de. Ni ti deya u makasaneg ay pakaintendiyán na.”

Mateo 13:9

Ni ti deya u masoh a mágsaneg ay dapat mágsaneg ti husto sakay intendiyán na u kinagi ko.”

Markos 4:9

Kinagi pa ni Jesus, “Hikam a mágsaneg ay dapat moy iye a pakasanigán sakay intendiyán.”

Markos 7:15

Bakán a u kanán nu tolay u mangpadukás nikuna tu atubang nu Diyos nan u lumuwas tu labi na u mangpadukás nikuna.

Markos 7:16

Kanya hikam a mágsaneg hide ay dapat moy iye a isipán.”

Lukas 23:43

Timmábbeg ti Jesus, “Kagiyán ko niko, nadid be ay ikuyog taka ti Paraiso.”

Lukas 8:8

Sakay u agum hide a bine ay netákneg tu maganda a luta. Kaya nagtubu sakay nagbunga ti tággi-datos a butil.” Sakay káttapos ay kinagi na ti mabegsák, “Mágsaneg u tehhod a talinga!”

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

1 Corinto 2:10

Pero inhayag iye nikitam nu Diyos tu pamamag-itan nu Banal a Ispirito. Dipo tukoy nu Banal a Ispirito u atanan a bagay, maskin u madisalad a karunungan nu Diyos.

2 Corinto 12:4

Sakay nakasanigák hod ti bagay hide a awan kaya a mepaliwanag sakay awan maare a kagiyán tu maskin deya.

1 Juan 2:13

Magsulaták nikam a ama hide, ta nakilala moy siya a tu sapul ay átna dán siya. Magsulaták be nikam, áolito hide sakay mámmadiket, dipo natalo moy dán ti Satanas.

Pahayag 13:9

“Ni makaintendi kam ay mágsaneg kam!

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”

Pahayag 15:2

Naketaák ti kumán a diget a bubug a maggehab. Netan ko be u nangtalo hide tu makaánteng a hayup sakay tu awan hide simmamba tu rebulto na, sakay u awan hide natatakan tu ngahan na a katumbas nu nomiro a 666. Mágtaknág hide tu diget a kumán a bubug, táttawed de u alpa a inyatád nu Diyos.

Pahayag 2:11

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay awan dán makadanas tu kaduwwa a kamatayan.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 21:7

Iye u matanggap nu magtagumpay. Sakay hikán u magin Diyos na, sakay siya be ay magin anak ko.

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.

Pahayag 22:2

Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.