Pahayag 2:3 - U Maganda A Baheta Ni Jesu-Cristo

³ Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.

Pahayag 2:3 Σταυροειδείς Αναφορές

Markos 15:21

Mentaras a maglakad hide ay natagbu de ti Simon a taga-Cirene a ama di Alejandro ay ti Rufo, gábwat siya tu uma na. Pilit de a impabáklay nikuna u kudus ni Jesus.

Lukas 14:27

Ni deya man u umád a magkarga tu sadili na a kudus sakay summunud nikán ay awan maare a magin disepulus ko.

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 21:19

Tu pagtiis moy ay magkahod kam ti biyag a awan ti kahád.

Lukas 5:5

Timmábbeg ti Simon, “Maisto, sagibi kami dán a nanilág pero awan kame ti nalap. Pero dipo kinagi mo ay isáklad ko a huway u pante hide.”

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 15:21

Dustaán dikam dipo maniwala kam nikán sakay dipo awan de tukoy u nangpaangay he nikán.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Roma 16:12

Ikumustaák moy di Tripena sakay Triposa a mágkasipag hide a manggagawa nu Panginoon. Ikumustaák moy be tu mahal ko a kaibigan a ti Persida. Dakál u netulung na tu gawain nu Panginoon.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 8:25

Pero ni umasa kitam tu awan tam áelingan ay uhayán tam ina a tehhod a págtiyaga.

1 Corinto 13:7

U tolay a te págmahal ay mapagpatawad, te tiwala tu agum, pirme a tehhod a pag-asa, sakay mapagtiis tu atanan a hirap.

1 Corinto 16:16

a pasakup kam tu konna nide sakay tu deya man a tumáttulung tu tagapagserbi hide nu Panginoon.

2 Corinto 10:15

Awan me ipagmadakál u nagpagudan nu agum. Nan asaan me a tu káttibay nu pánnampalataya moy, ay lumawak palla u gawain me nikam, pero awan kame lummampas tu impagimet nu Diyos nikame.

2 Corinto 11:23

Tukoy ko a kumánnák dán a essa a magaheng, pero ni kagiyán de a tagapagserbi hide ni Cristo, mas malalakeyák a tagapagserbi ni Cristo nan hide. Susubra u págpagud ko nan hide; sangan a besesák a nepireso, nabálbág sakay pirme a te áng-áng ti kamatayan.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

2 Corinto 5:9

Kaya ngani, u pinakagugusto me ay makasaya kame tu Diyos, he man ti munduwáy oni ti langet.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Galacia 6:2

Magtulungan kam tu ánya man a problema moy hide, tu konna he a paraan ay matupad moy u utus ni Cristo.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 2:9

Kákkapatkákka mi hide, siguradu a matandaan moy palla ni kodya kame a nagpagud a nagtrabaho aldew ay ti gibi tánni awan kami la makadágge nikam mentaras a ipakapospos me nikam u Maganda a Baheta a gábwat tu Diyos.

1 Tesalonica 5:12

Kákkapatkákka mi hide, mákkekagbi kame nikam a igalang moy u nagpagud hide nikam, a pinile nu Panginoon a mamahala sakay magtoldu nikam.

2 Tesalonica 3:13

Kákkapatkákka me hide, diyan kam magsawa a maggimet ti maganda.

2 Tesalonica 3:5

Igiya kam nakwa nu Panginoon tán lalo moy a maintendiyan u tungkul tu pagmahal nu Diyos sakay tu tiyaga a gabwat ni Cristo.

2 Tesalonica 3:8

Awan kame immasa maski ni ti deya nikam tu kákkabiyag me, nan binayaden me u natanggap me nikam. Aldew ay ti gibi ay nagtarabaho kame para awan kame kailangan a mangabala nikam a mangaged ti magastus me.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Hebreo 10:36

Kailangan kam a magtiis tánni masunud moy u kaluuban nu Diyos sakay matanggap moy u inpananto na.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

2 Pedro 1:6

u karunungan ay dagdagen moy ti págpugád tu sadile; u págpugád ti sadile ay dagdagen moy ti katatagen; u katatagen ay dagdagen moy ti pagkamaka-Diyos;

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.