Pahayag 19:3 - U Maganda A Baheta Ni Jesu-Cristo

³ Kinansiyon de a huway, “Puriyán u Panginoon! U asok nu natutod a tanyag a banuwan ay paontok hanggan-hanggan!”

Pahayag 19:3 Σταυροειδείς Αναφορές

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 14:11

U asok nu apoy a mangpáppahirap nide ay tulos-tulos a paontok hanggan-hanggan. Aldew ay ti gibi ay makánhirapán u simmamba hide tu makaánteng a hayup sakay tu rebulto na, sakay u natatakan hide tu ngahan na.”

Pahayag 18:18

Sakay mentaras a áelingán de u asok nu natutod a banuwan ay kagiyán de, “Awan ti kapareho u katanyagan ni ina a banuwan!”

Pahayag 18:9

Mentaras a áelingán de u asok nu kákkatutod na, mamágsangitan sakay maglungkutan u hare hide a nákpaggimet nikuna ti kahalayan sakay nákpagkasayaan nikuna.

Pahayag 19:1

Nadid, káttapos ni iye ay nasaneg ko u mabegsák a boses a kumán a pinagessa a makpal a tolay ti langet a mágkansiyon ti konna he, “Puriyán tam u Panginoon tam! Siya ay karapat-dapat a parangalan dipo siya u makapangyariyan a Diyos a nagligtas nikitam!

Pahayag 19:4

U duwapulo ay ti áppat a tagapangasiwa sakay u áppat a linalang a biyag ay limmuhud sakay simmamba hide tu Diyos a mággetnod tu trono, kinagi de, “Amen! Puriyán u Panginoon!”