Pahayag 17:2 - U Maganda A Baheta Ni Jesu-Cristo

² Natukuyan nikuna nu hare hide ti lutaáy u mágkahalay hide a gimet sakay u tolay hide ti lutaáy ay lininlang na kanya sinunud de u intáttoldu ni bábbiyan ina, ni mara ay linasing na hide tu alak nu kahalayan.”

Pahayag 17:2 Σταυροειδείς Αναφορές

Juan 2:10

kinagi na, “Karanyuwan, u masarap a alak u idipalongo de a ipainom tu naimbitaan hide. Ni nakainom dán hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.”

Pahayag 14:8

Kinagi be nu kaduwwa a simmunud a anghel, “Nasida dán! Nasida dán u tanyag a Babilonia! U banuwan a iye ay garabi ti kasalanan dipo inakit na u atanan a tolay a sumunod tu mágkadangát de a gimet.”

Pahayag 17:13

Eessa u layunin ni sapuluwan iye: Ipasakup de tu makaánteng a hayup u kapangyariyan de sakay u karapatan de a mamuno.

Pahayag 17:17

Ginusto nu Diyos a gimitan nu sapulo a hare u planu na. Kanya namagkasundu u sapulo a hare a ipasakup tu makaánteng a hayup u kapangyariyan de sakay u karapatan de a mamuno, hanggan a matupad u upos nu Diyos.

Pahayag 17:5

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 18:23

Awan dán be maski essa a sulo a magdemlag hina; sakay awan dán masasaneg hina u mágkasaya a boses nu ikasal hide. Dipo nagin tanyag ti munduway u nigosyante hina hide, sakay nadaya u atanan a tolay ti munduway tu pamamag-itan nu anting-anting nu tolay hide a magyan hina.”

Pahayag 18:3

Nangyare iye tu banauwan nu Babilonia dipo inakit ni iye u tolay hide tu buo a mundu a sumunud tu magkalaswa na a gimet. Sakay u atanan a hare ti munduway ay kuman a nangibabbey nikuna dipo nikuna de a natukuyan u paggimet ti kahalayan. Sakay u nigosyante hide ay yimmaman dipo tu mahalay na a kákkabiyag.

Pahayag 18:9

Mentaras a áelingán de u asok nu kákkatutod na, mamágsangitan sakay maglungkutan u hare hide a nákpaggimet nikuna ti kahalayan sakay nákpagkasayaan nikuna.

Pahayag 2:22

Kanya nadid: magkasakit siya ti matindi sakay u nákduhog nikuna. Magdanas hide ti matindi a kahirapan ni awan de pagsisiyan u mágkadukás a gimet de kagunan i bábbiyán itod.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 9:21

Awan di be ngane pinagsisiyan u pámmuno, págdipoh, u pángngibábbey oni pángngilállake oni págtakaw de.