Pahayag 15:3 - U Maganda A Baheta Ni Jesu-Cristo

³ Mágkansiyon hide tu kansiyon ni Moises, a tagapagserbi nu Diyos sakay kansiyon be nu Tupa: “Panginoon a Diyos a makapangyariyan tu atanan, Dakila sakay makataka-taka u gimet mo hide! Hiko u Diyos nu bansa hide, Banal sakay tama u atanan a pámmalakad mo!

Pahayag 15:3 Σταυροειδείς Αναφορές

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

Hebreo 3:5

Nagin matapat ti Moises tu pámmahala na tu pinile hide nu Diyos bilang essa a tagapagserbi. U atanan a bagay hide a ginimet na ay mage-anino la nu bagay hide a ipahayag nu Diyos tu dumemát a panahun.

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 11:17

Kinagi de: “Panginoon a Diyos a Makapangyariyan tu atanan, Diyos tu kasalukuyan, sakay Diyos tu nakalipas. Magpasalamat kami niko dipo ginamit mo dán u kapangyariyan mo a awan ti kahád. Sakay magsapul ka dán a maghare!

Pahayag 14:3

Mágkansiyon u 144,000 a tolay ti bigu a kansiyon tu atubang nu trono, sakay tu áppat a linalang a biyag, sakay tu duwapulo ay ti áppat a tagapangasiwa. Awan ti makaintendi ti kansiyonan itod maliban la tu 144,000 a naligtas tu tolay hide ti munduwáy.

Pahayag 14:8

Kinagi be nu kaduwwa a simmunud a anghel, “Nasida dán! Nasida dán u tanyag a Babilonia! U banuwan a iye ay garabi ti kasalanan dipo inakit na u atanan a tolay a sumunod tu mágkadangát de a gimet.”

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”