Pahayag 14:17 - U Maganda A Baheta Ni Jesu-Cristo

¹⁷ Sakay te essa pa a anghel a limmuwas tu templo ti langet a te tatawed a matadám a karit.

Pahayag 14:17 Σταυροειδείς Αναφορές

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.

Pahayag 14:16

Kaya tu pángwasiwas nu mággetnod tu panganurin tu karit na ay nagapas u dapat a aniyán ti lutaáy.

Pahayag 14:18

Lummuwas tu altar u essa pa a anghel a nakabahala tu apoy. Kinagi na ti mabegsák tu anghel a te tatawed a matalas a karit, “Gamitán mu dán i karit muwe, aniyán mo dán u atanan a ubas ti lutaáy, ta nágkaluto dán!”

Pahayag 16:1

Nadid, nakasanigák ti mabegsák a boses a gábwat tu templo a magutus tu pitto a anghel, “Kad moy dán, ibulak moy dán u parusa nu Diyos tu tolay hide ti munduway, a gabwat ti pittuwan ina a malukung!”

Pahayag 16:17

Imbulak nu kapitto a anghel u lasán nu malukung na tu pahás. Sakay tehhod a mabegsák a boses a gábwat tu trono tu templo, u nagupos a, “Natapos dán!”