Pahayag 11:2 - U Maganda A Baheta Ni Jesu-Cristo

² Pero dyan mu dán sukatán u laguwerta nu templo, dipo neatád dán itod tu tolay hide a awan tumenggi tu Diyos. Awan de igalang u Banal a Banuwan tu alay nu áppat a pulo ay ti duwwa a bulan.

Pahayag 11:2 Σταυροειδείς Αναφορές

Mateo 27:53

Lumuwas hide tu lábbang sakay nikuna a huway a nabiyag ti Jesus, simmáddap hide ti Jerusalem sakay netan hide hod nu makpal a tolay.

Mateo 4:5

Káttapos ay inyangay siya ni Satanas tu atáp nu Templo ti Jerusalem.

Mateo 5:13

Kinagi pa ni Jesus nide “Hikam ay kumán a asen ti munduway. Ni mawan u lasa nu asen, awan dán ti paraan a mesoli pa u lasa na. Awan dán ti serbi u asen kaya ibut dálla sakay gággemmakan dálla nu katolayan.

Lukas 21:24

U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Pahayag 11:11

Pero kállipas nu tállo ay ti kalahate a aldew ay biniyag hide a huway nu Diyos, sakay timmaknág hide. Kaya konna dálla hod u ánteng nu naketa hide nide.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 12:6

Sakay u bábbey ay gimminan tu parang, tu lugar a inhanda nu Diyos para nikuna. Para maalagaan siya hod tu alay nu essa a libu sakay duwwadatos ay ti ánnam a pulo a aldew.

Pahayag 21:10

Inggiyyaák nu Ispirito, sakay inyangayák nu anghel tu tunay ti langkaw a buked. Impeta na nikán u Jerusalem u Banal a Banuwan a pasidung a gábwat tu Diyos ti langet.

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.

Pahayag 22:19

Sakay ni deya man u mangibut tu agum a upos tu pahayag hide a nesulat he ay awan payagen nu Diyos a mákbahagi a kuman tu bunga nu kayo a makapangatád ti biyag, sakay ibutan nu Diyos u karapatan na a sumáddáp tu Banal a Banuwan a nakagi he.