Pahayag 1:4 - U Maganda A Baheta Ni Jesu-Cristo

⁴ Iye ay gábwat nikán a ti Juan: U sulat ko a iye ay para nikam a pitto a grupo nu mánnampalataya hide ni Cristo a mamaggipun-ipun tu pitto a banuwan ti Asia. Magkahod kam nakwa ti kapayapaan sakay págpapala a gábwat tu Diyos. Diyos tu kasalukuyan, Diyos tu nakalipas, sakay Diyos tu pademát. Sakay gábwat tu Ispirito a te pitto a gawain, a katoy tu atubang nu trono na.

Pahayag 1:4 Σταυροειδείς Αναφορές

Juan 1:1

Bago u sapul átna dán u Upos. Kaguman nu Upos u Diyos sakay u Upos ay mismo a Diyos.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 2:9

Tehhod nikitam a taga-Partia, te taga-Media, taga-Elam, te gábwat be ti Mesopotamia, ti Judea, Capadocia, ti Ponto sakay ti Asia.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

1 Corinto 1:3

Magkahod kam nakwa ti págpapala sakay kapayapaan a gábwat tu Diyos a Ama tam sakay tu Panginoon a ti Jesu-Cristo.

2 Corinto 1:2

Pagpalaán kam nakwa sakay magkahod ti kapayapaan a gábwat tu Diyos a Ama tam sakay tu Panginoon a ti Jesu-Cristo.

Hebreo 13:8

Maski nikan ay awan magbabagu ti Jesu-Cristo. Ni ánya siya tu itod ay konna labe siya nadid sakay hanggan-hanggan.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

Pahayag 1:1

Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 1:17

Pákketa ko nikuna ay kumánnák a patay a nalugmuk tu atubang na. Pero intupo na nikán u kawanan na a kamát sakay kinagi na, “Dyan ka manteng! Hikán u Sapul sakay u Katapusan,

Pahayag 1:20

Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 16:5

Sakay nasaneg ko a kinagi nu anghel a nakabahala tu dinom hide: “Hiko u Diyos a makatarungan a maghatul. Hiko u banal; hiko u awan ti sapul sakay awan ti kahad! Matuwid i ginimet muwe a pághatul tu tolay hide.

Pahayag 2:12

Isulat mo tu anghel nu mánnampalataya hide ti Pergamo: Iye u pekagi nu te tatawed tu matalas a ispada a te magdiliputan ti ngahab:

Pahayag 2:18

Isulat mo tu anghel nu gurupo nu mánnampalataya hide ti Tiatira: “Iye u pekagi nu Anak nu Diyos a tehhod a mata a kumán a maggehab a apoy sakay u tikád na ay kumán a magkinang-kinang a pinakintab a tangso.

Pahayag 2:8

“Nadid, isulat mo iye tu anghel nu mánnampalataya hide ti Esmirna: Iye u pekagi nu Sapul ay tu Katapusan, u natay sakay nabiyag a huway.

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”

Pahayag 22:8

Hikán ti Juan u nakasaneg sakay naketa ti iye hide a bagay. Pákkasaneg ko sakay pákketa ti iye a atanan ay limmuhudák tu atubang nu anghel a nángpeta nikán para sumamba nikuna.

Pahayag 3:1

“Nadid, Isulat mo iye tu anghel nu mánnampalataya hide ti Sardis: Iye u pekagi nu tehhod nikuna u pitto a gawain a Ispirito nu Diyos sakay tu pitto a biton. Tukoy ko u gimet moy; tu pangileng ay biyag kam, pero i tahoday ay patay kamon.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na:

Pahayag 4:5

Te maggábwat a kilat tu trono, kasabay nu galungogung nu kádduh. Sakay tehhod be a pitto a maggehab a simbuwan tu atubang nu trono, iye u Ispirito nu Diyos ate pitto a gawain.

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.