Pahayag 1:2 - U Maganda A Baheta Ni Jesu-Cristo

² Kinagi ni Juan u atanan a netan na tungkul tu impahayag nu Diyos sakay pinatunayan ni Jesu-Cristo.

Pahayag 1:2 Σταυροειδείς Αναφορές

Juan 1:32

Káttapos ay kinagi ni Juan, “Netan ko u Banal a Ispirito a ummogsad a gábwat ti langet a konna tu essa a kalapate sakay nágyan nikuna.

Juan 12:17

Makpal u naketa nikuna a biyagán a huway ni Jesus ti Lazaro. Imbábbaheta de i pangyayariyan iye tu agum.

Juan 19:35

Hikán a nagsulat ti iye ay netan ko u nangyare. Kanya tukoy moy a tatahoden u patunay ko a iye nikam. Tukoy ko atatahoden u kagiyan ko sakay ikagi ko iye nikam para maniwala kam.

Juan 21:24

Hikán u disepulus a mangpatunay ti bagayan iye hide. Sakay u insulat ko hide ay u mismo a netan ko. Kanya tukoy ko a tatahoden u kagiyán ko.

Juan 3:11

Kagiyan ko niko u tatahoden: Ikákkagi me u natukuyan me a mapatunayan me, pero awan moy iye tinanggap.

Gimet 22:15

Dipo hiko u magin sistigu na tánni patunayan tu atanan a tolay u netan sakay nasaneg mo.

Gimet 26:16

Tumaknág ka! Pimmetaák niko dipo hiko u pinile ko a magin tagapagserbi ko. Hiko u mangpatunay tungkul tu netan mo nadid sakay tu ipeta ku pa hide niko.

Gimet 4:20

Awan me maare a awan ibaheta u netan me sakay u nasaneg me.”

1 Corinto 1:6

U patunay a impangaral me tungkol ni Cristo ay malinaw a ketan nikam.

1 Corinto 2:1

Kákkapatkákka, nikuna immangayák hina ay inkagi ko nikam u lihim a plano nu Diyos tungkul tu Maganda a Baheta, pero bakán a tu pamamag-itan nu mágkadisalad a pággupos nu tehhod a nagadalan oni mataas a karunungan.

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

3 Juan 1:12

Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 1:19

Kanya isulat mo u atanan a netan mo, u mangyare nadid sakay u mangyare palla tu tamuwán.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 12:17

Dipo tu iyamut nu dragon ay binalingan na a geraán u nabuhay a lahe nu bábbey. Iye u tolay hide a sumássunud tu utus nu Diyos sakay nagtulos-tulos a nagin tapat tu tatahoden a inhayag ni Jesus.

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 22:21

Nakwa u kagbi nu Panginoon Jesus ay hod nikam a atanan! Amen.

Pahayag 6:9

Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.