Mateo 9:26 - U Maganda A Baheta Ni Jesu-Cristo

²⁶ U baheta tungkul ti iye a pangyayari ay kinumalat tu buo a Galilea.

Mateo 9:26 Σταυροειδείς Αναφορές

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 9:31

Pero imbábbaheta de tu atanan a taga Galilea u tungkul ni Jesus.

Markos 1:28

Dipo hod ay mabilis a kimmalat tu buo a Galilea u baheta tungkul tu ginimet ni Jesus.

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Markos 6:14

Nadid ay nabaheta ni Hare a Herodes u tungkul ni Jesus, dipo kilala dán siya nu makpal a tolay. Tehhod be a magkagi a ti Juan a Mágbautismo ay nabiyag a huway kaya makagimet ti Jesus ti makataka-taka a bagay.

Lukas 4:14

Nadid, nagsole ti Jesus ti Galilea a tehhod a kapangyariyan nu Banal a Ispirito. Nebaheta tu banu-banuwan hod u tungkul nikuna.

Lukas 4:37

Sakay kimmalat u baheta tungkul ni Jesus ti lugaran itod.

Lukas 5:15

Pero mas lalo pa a nekalat u baheta tungkul ni Jesus, kaya nagdemáttan u grabi't kakpal a tolay tán mágsaneg sakay mapagpiyya u saket de hide.

Lukas 7:17

Kimmalat u baheta tungkul ni Jesus tu buo a Judea sakay tu palebut na hide a banuwan.

Gimet 26:26

Tukoy ni Hare a Agripa iye hide a bagay. Kanya awanák manteng a magupos tu atubang na dipo tukoy na iye hide a bagay. Awan ti nangyare a awan mu tukoy dipo awan iye nangyare ti essa a tagu a lugar.