Mateo 8:4 - U Maganda A Baheta Ni Jesu-Cristo

⁴ Káttapos kinagi ni Jesus nikuna, “Dyan mo ibaheta iye maski ni ti deya man. Pero angay mu pa ipaileng tu saserdote u nangyari niko. Káttapos, bilang pangpatunay tu tolay hide a nagpiyya ka dán ay mangatád ka nikuna ti iyalay na ayun tu inyutus ni Moises tu itod pa.”

Mateo 8:4 Σταυροειδείς Αναφορές

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Mateo 16:20

Sakay mahigpit na a binilinan u disepulus na hide a dyan kagiyán ni deya man a siya u Cristo.

Mateo 17:9

Alay de a dumegson tu buked, inyutos ni Jesus nide, “Dyan moy kagiyán ni ti deya man u pangitain hanggan a awan huway a mabiyag u Anak nu Tolay.”

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Mateo 5:17

Kinagi pa ni Jesus nide “Dyan moy isipán a immangayák he para ibutan u Kautusan ni Moises oni u intáttoldu nu Propeta hide a upos nu Diyos. Awanák immangay he para ibutan hide nan ipaliwanag sakay tupadán iye hide.

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Mateo 9:30

Tapos ay bigla hide a naketa. Sakay mahigpit hide a pinagbilinan ni Jesus a “Dyan moy ikákkagi iye maski ni ti deya man.”

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Markos 3:12

Pero mahigpit a inutusan ni Jesus u mágkadukás hide a ispirito a dyan de kagiyán ti maskin deya ni ti deya siya.

Markos 5:43

Sakay mahigpit hide a kinagiyan ni Jesus a dyan de kagiyán maskin ti deya u nangyare. Káttapos ay inyutus na a atádden de ti makan u anak.

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Markos 7:36

Ingkagi na tu tolay hide a dyan di iye ibábbaheta, pero maskin binawalan hide ay lalu de a imbábbaheta.

Markos 8:30

Kinagiyan hide ni Jesus a, “Diyan moy kagiyán maskin ti deya ni ti deyaák.”

Markos 9:9

Nadid, nikuna a padegson dán hide tu buked ay mahigpit hide a kinagiyan ni Jesus a, “Diyan moy kagiyán maskin ti deya u netan moy, mentaras awanák mabiyag a huway, hikán a Anak nu tolay.”

Lukas 17:14

Pákketa ni Jesus nide ay kinagi na, “Kámmoy dán sakay pumeta kam tu saserdote hide.” Mentaras a maglakad hide ay nagpiyya hide.

Lukas 21:13

Iye dán u pagkakataon moy a mángpakapospos tu Maganda a Baheta tungkul nikán.

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Lukas 5:14

Sakay kinagiyan siya ni Jesus, “Dyan mo iye kagi-kagiyán maskin deya. Nan angay mo ipeta tu saserdote hide sakay magalay ka sigun tu inyutus ni Moises. Sa iye mángpatunayay tu tolay hide a nagpiya ka dán.”

Lukas 8:56

Grabi u taka nu dáddakál na hide pero kinagiyan na hide a dyan de kagi-kagiyán maskin deya u nangyare.

Lukas 9:21

Inpakebibilin ni Jesus a dyan de iye kagi-kagiyán maskin deya.

Juan 5:41

Sakay kinagi pa ni Jesus, “Awan ko hangadán u papure nu tolay hide.

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Juan 8:50

Awan ko gusto a ilangkaw i sadile kuwáy. U Ama u te gusto a ilangkawák nu tolay, sakay siya u makapángkagi a tama u kinagi ko.