Mateo 7:7 - U Maganda A Baheta Ni Jesu-Cristo

⁷ Ni mangaged kam tu Diyos ay atádden na kam. Ni magehyok kam ay metan moy. Ni tumoktok kam tu pintuwan ay bukasan na para nikam.

Mateo 7:7 Σταυροειδείς Αναφορές

Mateo 18:19

Sakay kagiyan ko pa be nikam: ni u duwwa nikam he ti lutaay ay magkaessa tu pagaged ti anya man a bagay tu pagdasal moy ay iyatád iye nikam nu Ama ko a atoy ti langit.

Mateo 21:22

Sakay anya man u agidan moy tu panalangin ay maalap moy, ni naniwala kam.”

Mateo 6:33

Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

Mateo 7:11

Ni hikam a makasalanan ay tukoy moy a mangatád ti maganda tu anak moy, mas lalo a mangatád ti maganda u Ama moy ti langet tu atanan a mangaged nikuna.

Mateo 7:8

Dipo u atanan a magaged ay maatádden sakay u atanan a magehyok ay maketa sakay u atanan a magtoktok ay mabukasan.

Markos 11:24

Kanya kagiyán ko nikam, ánya man u agidán moy tu Diyos tu pamamag-itan nu dasal moy ay maniwala kam a matanggap moy dán itod, sakay talaga a matanggap moy ngani itod.

Lukas 13:25

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:7

Ni manatile kam nikán, sakay u upos ko ay manatile be nikam, ay iyatád ko u ánya man a agidán moy.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 3:11

Awan ti makaintendi tungkul tu Diyos, awan ti nagsikap para matenggi siya.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Santiagu 5:15

U panalangin a te pánnampalataya ay makapagpapiyya tu te saket, sakay pabegsákkán siya nu Diyos sakay patawadán na ni te kasalanan siya.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.