Mateo 7:6 - U Maganda A Baheta Ni Jesu-Cristo

⁶ Dyan moy iyatád tu aso hide u malinis hide a bagay, o ni iyatád u perlas moy tu babuy hide dipo yáyyudakán di la itod sakay duklusán di kam.

Mateo 7:6 Σταυροειδείς Αναφορές

Mateo 15:26

Timmábbeg ti Jesus “Awan karapatdapat a iyatád tu aso u dapat a kanán nu anak hide.”

Mateo 24:10

Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya.

Mateo 7:5

Mapagkunware kam. Ibutan moy pa u dakál moy a kasalanan para makatulung kam tu agum a magibut tu badit de a kasalanan.

2 Corinto 11:26

Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.

Filipos 3:2

Magingat kam tu tolay hide a masássohán a maggimet ti madukás. Kumán hide a aso a magbángngal. Male u itáttoldu de dipo ipilit de a kailangan a magpature bagu hide a maligtas.

Hebreo 10:29

Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 6:6

Ni umadág pa hide, káttapos de a maranasan iye a atanan ay awan dán hide mapasole a huway. Dipo u gusto ni iye a kagiyán ay ipako de a huway tu kudus u Anak nu Diyos sakay pasanikiyán tu atubang nu makpal a tolay.

2 Pedro 2:22

Ni konna hod ay nebagay la nide u kakagiyan a, “U aso ni magota ay kanán nala be a huway u inyota na. Konna be tu babuy, ni digusán mu ay sumole labe tu lusak.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.