Mateo 6:13 - U Maganda A Baheta Ni Jesu-Cristo

¹³ Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Mateo 6:13 Σταυροειδείς Αναφορές

Mateo 26:41

Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

Mateo 5:37

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Mateo 6:10

Masoh kami a hiko u maghari tu atanan a tolay ti munduwáy. Nakwa sunudán nu atanan a tolay u kagustuwan mu he ti munduwáy a konna tu págsunud de hina ti langet.

Juan 17:15

Awan ko idasal a alapán mu dán he hide ti munduwáy, nan ingatan mo hide para awan hide matalo ni Satanas.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

1 Corinto 14:16

Ni magpasalamat ka tu Diyos tu pamamag-itan nu ispirito la, kodya a makakagi ti “Amen” u essa a tolay a katoy hod ni awan na naintendiyan u kákkagiyán mo?

2 Corinto 1:20

Dipo atanan a pananto nu Diyos ay natupad ni Jesu-Cristo. Kaya ngane makagi tam a tapat u Diyos sakay iye ay makapangatád ti kapuriyan nikuna.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

2 Tesalonica 3:3

Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

Hebreo 11:36

U agum be ay ininsulto sakay linatigu sakay tehhod be a nekulung a nakakadena.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 19:1

Nadid, káttapos ni iye ay nasaneg ko u mabegsák a boses a kumán a pinagessa a makpal a tolay ti langet a mágkansiyon ti konna he, “Puriyán tam u Panginoon tam! Siya ay karapat-dapat a parangalan dipo siya u makapangyariyan a Diyos a nagligtas nikitam!

Pahayag 19:4

U duwapulo ay ti áppat a tagapangasiwa sakay u áppat a linalang a biyag ay limmuhud sakay simmamba hide tu Diyos a mággetnod tu trono, kinagi de, “Amen! Puriyán u Panginoon!”

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 21:4

Pahidán na u luwa de hide. Awan dán ti matay, malungkut, magsanget, oni magkasakit dipo limmipas dán u date hide a bagay.”

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 5:13

Sakay nasaneg ko a mamágkansiyonan u atanan a linalang a katoy ti langet, ti lutaáy, disalad ni lutaáy, sakay u katoy hide tu diget ti konna he: “Iyatád tu mággetnod tu trono sakay tu Tupa u kapuriyan, karangalan, kadakilaan sakay kapangyariyan a awan ti kahád!”