Mateo 4:19 - U Maganda A Baheta Ni Jesu-Cristo

¹⁹ Sakay kinagi na nide “Kumuyog kam nikán dipo tolduwan takam ni kodya a magakit ti tolay para sumunud hide nikán.”

Mateo 4:19 Σταυροειδείς Αναφορές

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Mateo 4:18

Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.

Mateo 4:20

Págdaka de a inwahak u gilagila de sakay kimmuyog dán hide ni Jesus.

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Mateo 9:9

Nadid nikuna linumakad ti Jesus hod ay tinaleban na u essa a tolay a mággetnod tu lugar a págkulektaan ti buwes. Ti Mateo u ngahan nu tolay a tagakulekta ti buwes. Kinagi ni Jesus nikuna “Mákkuyog ka nikán para magin disepulus ko.” Kanya tinumaknág ti Mateo, linakaden na u tarabaho na. Sakay nákkuyog siya ni Jesus.

Markos 2:14

Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.

Lukas 5:27

Káttapos ni pangyayariyan itod ay limmuwas ti Jesus tu bilay. Netan na u essa a mágsingeh ti buwes, u ngahan na ay ti Levi. Mággetnod siya tu págsingihan ti buwes. Kinagi nikuna ni Jesus, “Kumuyog ka nikán.”

Lukas 9:59

Káttapos ay kinagi ni Jesus tu essa, “Mákkuyog ka nikán, bilang disepulus ko.” Pero tummábbeg siya, “Panginoon, pakultadenak mupa a sole ta angay ku pa pelábbáng tama ko.”

Juan 1:43

Nadid, tu sumunud a aldew ay naisip ni Jesus a umangay ti Galilea. Káddemát na hod ay netan na ti Felipe kanya kinagi na nikuna, “Mákkuyog ka nikán.”

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

2 Corinto 12:16

Maski tukoy moy a awanák nakadággi maskin deya nikam, kinagi pade nu agum nikam a mautákkák sakay dáddayaán takam la.