Mateo 3:2 - U Maganda A Baheta Ni Jesu-Cristo

² Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 3:2 Σταυροειδείς Αναφορές

Mateo 10:7

Itoldu moy nide a ‘Adeni dán a maghare u Diyos nikitam.’

Mateo 11:20

Sakay nágngál ti Jesus tu tolay hide tu banubanuwan hide a makpal siya a ginimet a himala dipo awan hide nagsisi.

Mateo 12:41

Káddemát nu aldew nu pághatul nu Diyos ay tumaknág u taga Ninive sakay hatulan di kam. Dipo nagsisi hide nikuna tinolduwan hide ni Jonas. Sakay nadid mas mahigiták pa ni Jonas tapus awan kam pa magsisi.

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Mateo 13:24

Nagistorya pa ti Jesus ti essa pa a talinghaga, kinagi na “U pághare nu Diyos ay konna tu istorya nu essa a tolay a nagmula ti maganda a halaman tu págmulaan na.

Mateo 13:31

Nagtalinghaga pa ti Jesus “U pághare nu Diyos ay konna tu essa a bine nu atong a mustasa. Inmula iye nu essa a tolay.

Mateo 13:33

Nagtalinghaga pa ti Jesus ti essa “U pághare nu Diyos ay konna tu lebadura a inhalo nu essa bábbey tu minasa a harina para maggimet ti tinapay. Simmannáp u lebadura tu harina kanya umalsa iye.”

Mateo 13:47

Kinagi pa ni Jesus “U pághare nu Diyos ay konna dámman tu essa a dakál a pante a indátton de tu diget sakay nakalap ti sari-sare a ikan.

Mateo 13:52

Kinagi pa ni Jesus nide “Kanya atanan a maisto nu kautusan nu Diyos a magin disepulus tu kahariyan nu Diyos ay konna tu essa a makákkao tu essa a bilay. Iluwas na u dati hide sakay bigu a kayaman tu bodega na.

Mateo 18:23

Dipo u pághare nu Diyos ay kapareho ni iye: nagdisisyon u essa a hare a pagbayadan u utusan na hide a te utang nikuna.

Mateo 20:1

Intulos ni Jesus u págtoldo na, kinagi na “U pághare nu Diyos ay kapareho ni iye: Essa a dimadimang a tahod ay limmuwas u te kao tu ubasan tu bilay na para magehyok ti upaan na hide.

Mateo 22:2

“U pághare nu Diyos ay kapareho ni iye: Naghanda ti essa a handaan u essa a hare para tu kasal nu anak na a lállake.

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Mateo 25:14

Kinagi pa ni Jesus “U pághare nu Diyos ay mepareho be ti iye a talinghaga: Te essa a tolay a te plano a magbiyahe kanya dinulaw na u utusan na hide sakay impagkatiwala na nide u ari-arian na.

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Mateo 5:10

Pinagpala nu Diyos u dáddustaán hide a tolay dipo gimitán de u kaluuben nu Diyos, hide u katolayan tu kahareyan na.

Mateo 5:3

“Pinagpala nu Diyos u tolay hide a umasa nikuna tu atanan a pangangailangan de, dipu u Diyos u hare de. Siya u mangpospos nide.

Mateo 6:10

Masoh kami a hiko u maghari tu atanan a tolay ti munduwáy. Nakwa sunudán nu atanan a tolay u kagustuwan mu he ti munduwáy a konna tu págsunud de hina ti langet.

Mateo 6:33

Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

Markos 1:4

Sakay dimmemát ngani ti Juan a Tagapagbautismo tu kaparangan. Nagtoldu siya tu tolay hide a dapat hide a magsise tu kasalanan de sakay magpabawtismo támpara patawadán nu Diyos u kasalanan de hide.

Markos 6:12

Kanya naglakad ngani u sapulo ay ti duwwa a disepulus sakay nagtoldu hide tu tolay hide, a dapat de a pagsisiyan u kasalanan de.

Lukas 1:16

Makpal tu lahe ni Israel u maakit na a máktawad tu kasalanan de sakay magsole hide tu Panginoon de a Diyos.

Lukas 11:20

Pero ni magpalayasák tu demonyo hide ta dipo tu kapangyariyan nu Diyos, iye u mangpatunay a dimmemát dán nikam u pághare nu Diyos.

Lukas 13:3

Pero tandaan moy i kagiyán kuwáy nikam, ni awan kam magsise tu kasalanan moy hide ay matay kam labe a konna nide.

Lukas 13:5

Pero tandaan moy i kagiyán kuwáy nikam, ni awan kam magsise tu kasalanan moy hide, ay mepahamak kam labe a konna nide.”

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Lukas 15:7

Kagiyán ko nikam, magkahod ti dakál a kasayaan ti langet dipo tu essa a makasalanan a nagsise nan tu siyam a pulo ay ti siyam a malinis a awan kailangan a magsise!”

Lukas 16:30

Timmábbeg u mayaman, ‘Awan itod hide sapat, Ama a Abraham. Pero ni angay nide u essa a natay dán sakay nabiyag a huway ay adággan de u kasalanan de hide.’

Lukas 21:31

Konna labi hod, ni ketan moy dán a mangyare dán iye hide a kinagi ko ay tukoy moy a adene dán a maghare u Diyos.

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Lukas 6:20

Immileng ti Jesus tu disepulus na hide sakay kinagi na, “Pinagpala u mágkahirap hide nadid, dipo paghariyan kam nu Diyos!

Lukas 9:2

Sakay inutusan na hide a angay mangaral tungkul tu pághare nu Diyos sakay magpapiyya tu tehhod hide a saket.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

2 Corinto 7:10

Dipo u kalungkutan a ayun tu kaluuban nu Diyos, u mánggiya nikam tánni magsise sakay magbagu, para maligtas kam. U konna he a kalase ni kalungkutan ay awan pagsisiyan. Pero u kalungkutan nu bakán hide a taga sunud nu Diyos ay kamatayan u demáttán na dipo awan ti págsise.

Colosas 1:13

Inligtas na kitam tu kapangyariyan nu kadiklámman sakay inyagton na kitam tu kahariyan nu pinakamamahal na a Anak.

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

2 Pedro 3:9

Kaya dyan moy isipán a nalimunan dán nu Panginoon u impananto na tungkul tu katapusan ni munduwáy a konna tu akala nu agum a tolay. U tatahoden ay atádden na palla ti pagkakataun u atanan tolay a makapagsise, dipo awan na gusto a mepahamak u maskin deya man.

Pahayag 2:21

Inatádden ko siya ti pagkakataun para magsise sakay adággen u madukás na a kákkabiyag, pero umád na.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.