Mateo 28:9 - U Maganda A Baheta Ni Jesu-Cristo

⁹ Pero bigla hide a tinagbu ni Jesus sakay binati. Immadeni hide ni Jesus, kinábkabban de u tikád na sakay sinamba de ti Jesus.

Mateo 28:9 Σταυροειδείς Αναφορές

Mateo 14:33

Sinamba siya nu disepulus na hide, kinagi de “Talaga a hiko ngane u Anak nu Diyos.”

Mateo 23:7

U gusto di pa ay igalang hide tu kakarsada sakay dulawan hide a maisto nu tolay hide.

Mateo 28:10

Kinagi nide ni Jesus, “Dyan kam manteng! Angay kam sakay kagiyan moy tu kákkapatkákka ko hide a umangay hide ti Galilea sakay ketanák de hod!”

Mateo 28:17

Nikuna a netan de ti Jesus ay sinamba de siya. Maski u agum ay nag-alinlangan padi.

Mateo 28:8

Kanya nagalisto hide a hinumektat tu lábbang. Naghalo u bábbatiyan de, anteng sakay grabe a saya. Nagginan hide a immangay tu disepulus hide para ibaheta u nangyare.

Lukas 1:28

Ummadene u anghel ni Maria sakay binate na, “Mágsaya ka dán! Kasayaan ka a tahod nu Diyos! Katoy niko u Panginoon!”

Lukas 24:52

Sinamba de siya; káttapos ay nagsole dán hide ti Jerusalem, a grabi u kasayaan de.

Lukas 7:38

Káddemát na hod ay ummadene siya tu tattikádden ni Jesus. Sakay nagsanget, binisa na tu luwa na u tikád ni Jesus. Pinahidan na itod tu buuk na sakay inámmuwan na sakay dináttonan na ti pasáppot.

Juan 12:3

Ti Maria be ay nangalap ti kalahating letro a mamahalin a pasáppot, iye a pasáppot ay gábwat tu mula a nardo. Imbulak na iye tu tikád ni Jesus sakay pinahiden na tu buuk na. Kanya u buo a bilay ay simmáppot.

Juan 20:19

Nadid, nikuna a gibi dán ti aldiwan itod nu Simba ay naipun u disepulus hide ni Jesus. Ingkandadu de u pintuwan hide dipo tu ánteng de tu pinuno nu Judio hide. Bigla a dimmemát ti Jesus sakay timmaknág tu bállog de, sakay kinagi na, “Magkahod kam nakwa ti kapayapaan.”

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Pahayag 3:9

Tandaan moy! Utusan ko u gurupo ni Satanas a mágkabule sakay mapagkunware a Judio, a angay lumuhud tu atubang moy. Sakay hod de a matukuyan a hikam u mahal ko.