Mateo 26:10 - U Maganda A Baheta Ni Jesu-Cristo

¹⁰ Awan netago ni Jesus u kinagi de kanya kinagi na, “Bakin gágguluwan moy u bábbey? Maganda u ginimet na nikán.

Mateo 26:10 Σταυροειδείς Αναφορές

Mateo 26:11

Tu atanan a panahon ay kakaguman moy u pobre hide pero hikán ay awan moy makaguman ti habang panahon.

Mateo 26:9

Kinagi di pa, “Nelako nakwa itod ti mahal sakay neatád tu pobre hide u nánglakuwan!”

Markos 14:6

Pero kinagi ni Jesus, “Pabayan moy la siya! Bakin a rebukán moy siya? Maganda u ginimet na nikán.

Lukas 8:49

Mentaras a magupos ti Jesus ay dimmemát u essa lállake a gábwat tu bilay nu tagapangasiwa. Kinagi na, “Patay dán u anak mo! Dyan mu dán abalaán i maistuwe.” Kagi na ni Jairo.

2 Corinto 9:8

Sakay kaya kam a pasaganaán nu Diyos tu atanan a bagay a higit pa tu kailangan moy hide. Para tu atanan a panahun ay magin sapat kam tu atanan a bagay, tánni tehhod kam a metulung tu te kailangan hide.

Galacia 1:7

U tatahoden ay awan talaga ti iba a Maganda a Baheta. Kaya la ay tehhod a makánguluwán nikam, sakay gusto de a ibaán u Maganda a Baheta tungkul ni Cristo.

Galacia 5:12

I mangrárrebuk ke hide nikam tu págtoldu de ti male, ay bakán nakwa la a magpature nan lalabba di dán a ipakáttol.

Galacia 6:17

Kanya sapul nadid ay diyan moy dán nakwa dagdagen i hirap kuwáy. Dipo u peklat hide tu bággi ko ay magpatunay a tagapagserbiyák ni Jesus.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

2 Tesalonica 2:17

Atádden kam nakwa nu Diyos ti matatag a kaluuben para mepahayag moy sakay megimet u atanan a mágkaganda.

1 Timoteo 3:1

Nadid, tatahoden i kakagiyanan iye: Nitideyaman u masoh a magin pinuno tu simbaan ay maganda u hangarin na dipo mahalaga i tungkulinan ina.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

2 Timoteo 2:21

Ni deya man u umadeyo tu gimet a madukás ay konna siya tu kagamitan a gággamitán tu mágkahalaga a ukásyon. Inlaan na u sadile na para tu Panginoon sakay nakahanda a lagi a maggimet tu atanan a mágkaganda a gimet.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 3:1

Ipaala-ala mo tu mánnampalataya hide hina a magpasakup tu gubiyerno. Sakay magin masássunudán hide sakay pirme a handa a maggimet ti mágkaganda.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.