Mateo 24:7 - U Maganda A Baheta Ni Jesu-Cristo

⁷ Dipo mákpággera u bansa hide laban tu iba-iba a bansa sakay u kahariyan hide tu iba-iba a kahariyan. Magkahod ti sákaláp sakay linog tu iba iba a lugar.

Mateo 24:7 Σταυροειδείς Αναφορές

Lukas 21:11

Magkahod ti tunay a begsák a linog, sák-aláp, sakay magkahod be tu iba-iba a lugar ti iba-iba a saket. Tehhod be a lumitaw a makaánteng a bagay, sakay makataka hide a senyal a gábwat ti langet.

Gimet 11:28

Timmaknág u essa nide, u ngahan na ay ti Agabo. Tu pamamag-itan nu Banal a Ispirito ay nagpahayag siya a te dumemát a matindi a sák-aláp ti munduwáy. (Nangyare iye tu kapanahunan ni Emperador a Claudio.)

Gimet 2:19

Mángpetaák ti himala ti langet sakay ti lutaáy; mangpetaák ti dige, apoy sakay ti mabagál a asok.

Hebreo 12:27

U upos a, “Pumensan pa,” ay maliwanag a mángpatukoy a ibutan nu Diyos u bagay hide a mayanág, tán manatile u bagay hide a awan mayanág.

Pahayag 6:12

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige.

Pahayag 6:5

Nikuna a ibutan nu Tupa u katállo a selyo ay nasaneg ko a kinagi nu katállo a linalang a biyag, “Karon he!” Sakay naketaák ti kabayo a mangitet, u mágkabayo hod ay te táttawed a timbangan.

Pahayag 6:6

Sakay te nasanigák a kumán a boses a gábwat tu páppágyanan nu áppat a linalang a biyag. Kinagi na, “Essa la a takal a trigo oni tállo a takal a sebada i mabaliyay nu saldew a hornal. Pero dyan sidaán u olibu sakay u ubas para te magimet a langis sakay alak!”

Pahayag 6:8

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.