Mateo 23:16 - U Maganda A Baheta Ni Jesu-Cristo

¹⁶ Kakagbi kam, buhák a tagagiyya! Itáttoldo moy a ni manumpa ka tu ngahan nu Templo ay maari mo a awan tupadán u panantu mo. Pero ni manumpa ka tu ginto nu Templo ay dapat mo a tupadán u panantu mo.

Mateo 23:16 Σταυροειδείς Αναφορές

Mateo 15:14

Pabayan moy hide, buhák hide a tagagiyya. Ni u buhák u maggiyya tu buhák ay pareho hide a matápduk tu ábbut.”

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 23:17

Loko kam a buhák! Awan kam talaga ti tukoy! Anya u mas mahalaga, u ginto oni u Templo a nángpalinis tu ginto?

Mateo 23:19

Awan moy talaga naintendiyán! Anya beman u mas mahalaga, u alay oni u pággalayan a nángpalinis tu alay?

Mateo 23:24

Buhák kam a tagagiyya! Ibut moy u langaw tu ainuman moy pero itallán moy u maski u dakal a hayop konna tu kamelyo!

Mateo 23:26

Buhák kam Pariseo hide! Linisán moy pa u atoy disalad nu tasa sakay nu penggan moy sakay magin malinis labe u luwas!

Galacia 5:3

Huwayán ko a kagiyán, pakatandaan moy a ni magpature kam para magin katanggap-tanggap tu Diyos, obligadu kam a sumunud tu Kautusan.

Santiagu 5:12

Higit tu atanan kákkapatkákka ko hide, dyan kamon sumumpa, ni magpangako kam. Dyan moy kagiyán a, “Tistigu ko u langet!” oni “Tistigu ko u luta,” oni ánya paman a kabagay. Kagiyán moy dálla a “on ni on,” oni “awan ni awan,” tánni awan kam hatulan nu Diyos.