Mateo 2:4 - U Maganda A Baheta Ni Jesu-Cristo

⁴ Kanya pinisan na u atanan a pupuno nu saserdote hide sakay u maistu hide nu Kautusan ni Moises. Sakay tinanung na hide “Hádya beman a meenak u Cristo a inpanatu nu Diyos a magin hare nu tolay na hide?”

Mateo 2:4 Σταυροειδείς Αναφορές

Mateo 13:52

Kinagi pa ni Jesus nide “Kanya atanan a maisto nu kautusan nu Diyos a magin disepulus tu kahariyan nu Diyos ay konna tu essa a makákkao tu essa a bilay. Iluwas na u dati hide sakay bigu a kayaman tu bodega na.

Mateo 2:3

Nikuna a nabaheta iye ni Hari Herodes ay naligalig siya pati be u katolayan ti Jerusalem.

Mateo 2:5

Tinábbeg de siya “Tu lugar a Betlehem a sakup ni Judea. Dipo konna he u kinagi nu Diyos tu itod a insulat nu essa a propeta,

Mateo 21:15

Naiyamut u pupuno hide nu saserdote hide sakay u maisto hide nu Kautusan ni Moises nikuna netan de u kababalaghan a ginimet na, sakay u anak hide a magpákhaw tu disalad nu templo, “Pagpalaán nu Diyos u Anak ni David!”

Mateo 21:23

Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?”

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Mateo 26:47

Magupos padla ti Jesus nikuna dimmemát ti Judas, essa tu sapulo ay ti duwwa. Te kaguman siya a makpal a tolay a te tawed a attak sakay batuta. Gábwat hide tu pupuno nu saserdote hide sakay tu pinuno nu banuwan.

Mateo 27:1

Tu dimadimang, namagguhon u pupuno hide nu saserdote sakay u pinuno hide nu banuwan ni kodya de a ipabuno ti Jesus.

Mateo 7:29

Dipo nagtoldu siya nide a te kapangyariyan bakán a konna tu mágtoldu hide tu Kautusan ni Moises.

Markos 8:31

Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Lukas 23:10

U puno nu saserdote hide sakay u maisto hide nu Kautusan ay mágtaknág be hod a awan ti imang a makán sihiyán ni Jesus.

Juan 18:3

Kanya immangay hod ti Judas, kaguman na u makpal a sundalo a Romano sakay u guwardiya hide tu templo a pinaangay hod nu puno nu Saserdote hide sakay Pariseo. Tehhod hide a tawed a simbuwan sakay te mga armas hide.

Juan 3:10

Timmábbeg ti Jesus, “Essa ka a tanyag a tagapagtoldu ti Israel, pero awan mo maintendiyan iye?

Juan 7:32

Nikuna a nasaneg nu Pariseo hide u pamágguhunan nu tolay hide tungkul ni Jesus, u pinuno nu Saserdote hide ay nagutus ti guwardiya tu templo para dakáppán ti Jesus.

Juan 8:3

Nadid ay dimmemát u Eskriba hide sakay u Pariseo hide. Tekaguman hide a bábbey a nadakáp de a nangilállake. Pinataknág de u bábbey tu atubang nu katolayan,

Gimet 23:9

Kanya bimmegsák u pákhawan de. Timmaknág u sangan a Pariseo a tagapagtoldu tu Kautusan sakay impagpumilit de a awan hide umayun sakay kinagi de, “Awan kame ti ketan a kasalanan ni tolayan iye. Makay ni tehhod nikuna a nagupos a ispirito oni anghel?”

Gimet 4:5

Tu kadimadimangan ay namágkatipun ti Jerusalem u puno nu saserdote hide, puno nu Judio hide sakay u tagapagtoldu hide tu Kautusan.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.