Mateo 2:2 - U Maganda A Baheta Ni Jesu-Cristo

² Nágtatanungán hide tu tolay hide a mágyan hod “Hádya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu kákkaenak na. Kanya inumangay kami he para ipeta mi u págsamba me nikuna.”

Mateo 2:2 Σταυροειδείς Αναφορές

Mateo 2:3

Nikuna a nabaheta iye ni Hari Herodes ay naligalig siya pati be u katolayan ti Jerusalem.

Mateo 21:5

“Kagiyán moy tu taga banuwan nu Sion, ‘Ilengan moy, pademát dán u hare moy. Siya ay mapagpakumbaba; nakasakay la tu essa a bul-o nu asno.’ ”

Mateo 27:11

Káttapos ay inyangay de ti Jesus tu gubernador. “Hiko beman u Hari nu Judio hide?” tanong nikuna nu gobernador. Timmábbeg ti Jesus, “Hiko dán u nagkagi.”

Lukas 19:38

Kinagi de, “Puriyán u Hare a mágdadedemát tu ngahan nu Panginoon! Puriyan u Diyos dipo te kapayapaan ti langet!”

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Lukas 23:3

Tinanung siya ni Pilato, “Hiko beman u hare nu Judio hide?” “Hiko dán nagkagi ye,” tábbeg ni Jesus.

Lukas 23:38

Tu ontok nu kudus ni Jesus ay te sumássulat: (ti upos a Griego, Latin sakay Hebreo,) “Iye u Hare nu Judio hide.”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 12:13

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Juan 18:37

Kinagi ni Pilato, “Ni konna hod ay essa ka a hare?” Timmábbeg ti Jesus, “Tama u kinagi mo a hariyák. Sakay ina u dahilan ni bakin a neenakák sakay immangay he ti munduwáy ay para ibaheta u tatahoden. U atanan a makatukoy tu tatahoden ay mágsaneg nikán.”

Juan 19:19

Nagsulat be ti Pilato sakay impekáppát na tu kudus. U nedátton tu nepákkát ay, “Ti Jesus a taga-Nazaret u Hare nu Judio hide.”

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Juan 5:23

para parangalan nu atanan u Anak a konna tu pángparangal de tu Ama. U awan mangparangal tu Anak ay awan mangparangal tu Ama a nángpaangay he nikuna.”

Juan 9:38

Pagdaka a kinagi nu lállake, “Maniwalaák dán, Panginoon.” Sakay limmuhud siya a simmamba ni Jesus.

Hebreo 1:6

Sakay nikuna paangayán dán nu Diyos u panganay na a anak ti munduway ay kinagi na, “Dapat siya a sambaán nu atanan a anghel nu Diyos.”

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”