Mateo 10:2 - U Maganda A Baheta Ni Jesu-Cristo

² Sa iye u ngahangahan nu sapulo ay ti duwwa a disepulus a nginahanan na be hide a apostol na: U purumero ay ti Simon, u palayaw na ay Pedro, ti Andres a kapatkákka ni Pedro, ti Santiago sakay ti Juan a anak ni Zebedeo,

Mateo 10:2 Σταυροειδείς Αναφορές

Mateo 17:1

Nadid kállipas nu annám a aldew, kinuyog ni Jesus ti Pedro sakay u matkaka a di Santiago sakay ti Juan. Tinohbuk de u essa a malangkaw a buked.

Mateo 20:20

Nadid essa aldew immadeni ni Jesus u kabanga ni Zebedeo, kaguman na u anak na hide. Te gusto siya a ipakpágguhon, kaya limmuhod siya tu atubang ni Jesus.

Mateo 26:37

Pero kinuyog na ti Pedro sakay u duwwa a anak ni Zebedeo. Sakay nabalisa siya sakay nalungkot a tahod.

Mateo 4:18

Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.

Mateo 4:21

Tulos hide a naglakad tu digdig nu minalno sakay netan di Jesus u matkaka a lállake a di Santiago sakay ti Juan a anak ni Zebedeo. Hod hide sakay tu ama de tu abang de a magayuma tu gila de. Inakit be hide ni Jesus a magin disepulus na.

Markos 1:29

Nadid, kálluwas di Jesus sakay tu disepulus na hide, kaguman di Santiago sakay ti Juan, tu Sinagoga ay nagdiretso hide tu bilay di Simon ay ti Andres.

Markos 13:3

Nadid, mentaras a mággetnod ti Jesus tu buked nu Olibo, tu tapat nu Templo ay tinanung siya di Pedro, Santiagu, Juan sakay ti Andres ti lihim.

Markos 6:30

Nadid, simmole u disepulus hide a inutusan ni Jesus a nagtoldu, sakay ingkagi de nikuna u atanan a ginimet de sakay u intoldu de.

Lukas 11:49

Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’

Lukas 22:14

Nikuna dummemát dán u odas nu pángngapon de, ay nákpággatubang ti Jesus tu disepulus na hide.

Lukas 22:8

Inutusan ni Jesus ti Pedro sakay ti Juan, kinagi na, “Kammoy dán, maghanda kam ti pangapon tam para tu Aldew nu Págtaleb.”

Lukas 5:10

konna bi hod di Santiago ay ti Juan a anak ni Zebedeo a kasosyo ni Simon. Kinagi ni Jesus ni Simon, “Dyan ka manteng! Sapul nadid ay bakán dán a ikan alapán muway nan magakit ka dán ti tolay a maniwala nikán.”

Lukas 9:10

Kássole nu disepulus hide ni Jesus ay imbaheta de nikuna u atanan a ginimet de. Káttapos ay limmakad ti Jesus kaguman na u disepulus na hide a immangay tu banuwan a Betsaida.

Juan 12:22

Immangay ti Felipe tu kán Andres sakay kinagi na nikuna u kinagi nu Griego hide. Káttapos ay immangay hide a duwwa tu kán Jesus sakay kinagi de u ipekagi de.

Juan 13:23

Ti itod be ay kadatig ni Jesus u pinakamamahal na a disepulus.

Juan 20:2

Kanya nagginan a sole ti Maria a immangay tu kán Simon Pedro sakay tu disepulus a mahal ni Jesus. Káddemát na ay kinagi na nide, “Inalap de u Panginoon tu páglábbángngan sakay awan mi dán tukoy ni hádya de a inyangay.”

Juan 21:2

Ti itod ay mamágkaguman di Simon Pedro, ti Tomas a Kambal, sakay ti Nataniel a taga-Cana tu prubinsiya ni Galilea, a anak hide ni Zebedeo, sakay tu duwwa pa a disepulus.

Juan 21:20

Nadid ay simmuleg ti Pedro sakay netan na a umusoseg nide u disepulus a mahal ni Jesus. Siya u disepulus a mágsandig ni Jesus nikuna mangapon hide, sakay siya u nagtanung ni Jesus ni ti deya u mángtokyon nikuna.

Juan 21:24

Hikán u disepulus a mangpatunay ti bagayan iye hide. Sakay u insulat ko hide ay u mismo a netan ko. Kanya tukoy ko a tatahoden u kagiyán ko.

Juan 6:67

Tinanung nadid ni Jesus u sapulo ay ti duwwa na a disepulus, “Ánya gustuwák moy beman be a lakaden?”

Juan 6:70

Kinagi ni Jesus nide, “Awan beman pinile takam a sapulo ay ti duwwa? Pero u essa nikam ay dimonyo!”

Juan 6:71

U gusto he a kagiyán ni Jesus ay ti Judas a anak ni Simon Iscariote. Dipo maski ni kaguman ti Judas tu sapulo ay ti duwwa a disepulus ay itokyon na padi ti Jesus tu mangdakáp nikuna.

Juan 6:8

Kinagi nu essa tu disepulus na hide a ti Andres a kapatkakka ni Pedro,

Gimet 1:13

Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.

Gimet 1:26

Káttapos de a nagdasal ay nagbunutan hide. Sakay u napile de ay ti Matias. Kanya ti Matias u indagdag de tu sapulo ay ti essa a apostol.

Gimet 12:2

Pinaputol na u ulo ni Santiagu a ákka ni Juan tu pamamag-itan nu áttak.

Gimet 3:1

Nadid, mga alas tres ti apon ay immangay di Pedro sakay ti Juan tu templo. Iye ay odas nu págdasal.

1 Corinto 15:7

Pummeta be siya ni Santiago sakay tu atanan a apostol hide.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

1 Pedro 1:1

Hikán ti Pedro, apostol ni Jesu-Cristo, nagsulatak nikam a pinile hide nu Diyos a mákpágyan ti Ponto, Galacia, Capadocia, Asia, sakay Bitinia.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

2 Juan 1:1

Hikán a Tagapangasiwa u nagsulat ti iye. Iye a sulat ay para tu pinile nu Diyos a bábbey sakay tu anak na hide a mahal ko a tahod. Bakán la a hikán u nagmahal nikam nan pate u atanan a nakatukoy tu tatahoden.

3 Juan 1:1

Hikán a Tagapangasiwa u nagsulat ti iye. Iye a sulat ay para tu pinakamamahal ko a amigu a ti Gayo.

Pahayag 1:1

Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 22:8

Hikán ti Juan u nakasaneg sakay naketa ti iye hide a bagay. Pákkasaneg ko sakay pákketa ti iye a atanan ay limmuhudák tu atubang nu anghel a nángpeta nikán para sumamba nikuna.