Markos 9:9 - U Maganda A Baheta Ni Jesu-Cristo

⁹ Nadid, nikuna a padegson dán hide tu buked ay mahigpit hide a kinagiyan ni Jesus a, “Diyan moy kagiyán maskin ti deya u netan moy, mentaras awanák mabiyag a huway, hikán a Anak nu tolay.”

Markos 9:9 Σταυροειδείς Αναφορές

Mateo 12:19

Awan siya mákpagdima, awan be siya maghangtet. Awan siya magpalalo tu kakarsada.

Mateo 12:40

Konna ni Jonas a tállo a aldew sakay gibi a hod tu disalad nu tiyan nu dakál a tahod a ikan, ay hikán a Anak nu Tolay ay tállo be a aldew sakay gibi tu disalad nu luta.

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Mateo 27:63

Kinagi de nikuna, “Mahal mi a gobernador, naalala mi a kinagi nu mapagkunware an itod nikuna a biyag padla siya a huway siya mabiyag kállipas nu tállo a aldew.

Mateo 8:4

Káttapos kinagi ni Jesus nikuna, “Dyan mo ibaheta iye maski ni ti deya man. Pero angay mu pa ipaileng tu saserdote u nangyari niko. Káttapos, bilang pangpatunay tu tolay hide a nagpiyya ka dán ay mangatád ka nikuna ti iyalay na ayun tu inyutus ni Moises tu itod pa.”

Markos 5:43

Sakay mahigpit hide a kinagiyan ni Jesus a dyan de kagiyán maskin ti deya u nangyare. Káttapos ay inyutus na a atádden de ti makan u anak.

Markos 7:36

Ingkagi na tu tolay hide a dyan di iye ibábbaheta, pero maskin binawalan hide ay lalu de a imbábbaheta.

Markos 9:10

Kanya awan de kinagi maskin ti deya i nangyariyan itod, pero nagtanungan hide ni ánya i gustuway a kagiyán ni Jesus tu kinagi na a mabiyag siya a huway.

Markos 9:8

Tu kássuleg nu disepulus hide ay awan dán hide ti netan nan ti Jesus dálla.

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Lukas 9:36

Nikuna mawan dán u boses ay netan de a mággisessa dálla ti Jesus. Awan padla kinagi-kagi nu disepulus hide u netan de.