Markos 9:4 - U Maganda A Baheta Ni Jesu-Cristo

⁴ Sakay netan di be hod di Elias sakay ti Moises, a mákpágguhon ni Jesus.

Markos 9:4 Σταυροειδείς Αναφορές

Mateo 11:13

Dipo bagu ti Juan a dumemát ti munduwáy ay nagtoldu u Kasulatan tungkul tu kahariyan nu Diyos.

Markos 9:3

Tunay ti pudew u damit na sakay makasile a ilingán, maskin ti deya ti munduwáy ay awan ti makapagpapudew ti konna hod.

Markos 9:5

Kinagi ni Pedro ni Jesus, “Panginoon, mapiyya la ta katoy kami he. Pagbilay mi kam a tállo: ti bábbadit a bilay; essa niko, essa ni Moises, sakay essa ni Elias.”

Lukas 24:27

Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Lukas 9:19

Timmábbeg hide, “Te sangan a magkagi a ti Juan a Mágbawtismo ka kan. Pero kagi be nu agum ay ti Elias ka kan, sakay te nagkagi be a essa ka tu prupeta hide tu itod a panahun a nabiyag a huway.”

Juan 5:39

Mággaadalán kam tu Kasulatan, ta akala moy a tu pamamag-itan ni iye ay magkahod kam ti biyag a awan ti kahád. U Kasulatan a mismo u mangpatunay tungkul nikán,

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”