Markos 9:32 - U Maganda A Baheta Ni Jesu-Cristo

³² Pero awan de naintendiyan u kinagi ni Jesus, sakay magalangan be hide a magtanung nikuna.

Markos 9:32 Σταυροειδείς Αναφορές

Markos 16:14

Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Markos 7:18

Kinagi nide ni Jesus, “Awan moy pad beman la naintendiyan? Awan moy beman tukoy a maskin ánya u kanán nu tolay ay awan makapángpadukás nikuna?

Markos 8:33

Pero immatubang ti Jesus tu disepulus na hide sakay kinagi na ni Pedro, “Umadeyo ka nikán Satanas! U isip mo ay awan ayun tu kaluuben nu Diyos nan ayun tu kaluuban nu tolay.”

Markos 9:10

Kanya awan de kinagi maskin ti deya i nangyariyan itod, pero nagtanungan hide ni ánya i gustuway a kagiyán ni Jesus tu kinagi na a mabiyag siya a huway.

Lukas 18:34

Pero awan hide ti naintendiyan tu nasaneg de. Awan de naintendiyan ni ánya u gusto na a kagiyán sakay awan hide ti nangmalayan ni ánya u kinagi na.

Lukas 2:50

Pero awan de naintendiyan u tatahoden a kahulugan nu kinagi na.

Lukas 24:45

Binukasan na u iisip de para maintendiyan de u Kasulatan hide.

Lukas 9:45

Pero awan di maintendiyan u kinagi na dipo awan pálla impakapospos nu Diyos nide u kahulugan ni itod. Sakay manteng be hide a magtanung ni ánya u gusto a kagiyán nu kinagi na.

Juan 12:16

Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.

Juan 16:19

Tukoy ni Jesus a gusto de a magtanung, kanya kinagi na nide, “Namágtanungan kam beman tungkul tu kinagi ko a ‘Sabadit dálla a panahun ay awanák moy dán ketan, sakay káttapos nu sabadit a panahun ay ketanák moy a huway?’

Juan 4:27

Nadid, ti odasan itod ay dimmemát u disepulus hide ni Jesus. Nagtaka hide nikuna a mademáttan de a mákpágguhon siya tu essa a bábbey. Pero awan hide nagtanung tu bábbey ni ánya i kailangan naay, sakay awan be hide nagtanung ni Jesus ni bakin a mákpágguhon siya tu bábbey.