Markos 9:24 - U Maganda A Baheta Ni Jesu-Cristo

²⁴ Agad a timmábbeg ti mabegsák u ama nu anak, “Maniwalaák, patibayán mu ped i pánniwala kuwáy tán magin husto!”

Markos 9:24 Σταυροειδείς Αναφορές

Markos 9:23

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Markos 9:25

Tu pákketa ni Jesus tu tunay ti káppal a tolay a tamo nikuna ay kinagiyan na u madukás a ispirito, “Hiko, a ispirito a mágpabángngág sakay mágpabulol umibut ka dán ti anake: sakay diyan ka dán sumole nikuna a huway!”

Lukas 17:5

Kinagi nu disepulus hide ni Jesus, “Dagdagan mu ped pánnampalataya miyáy!”

Lukas 7:38

Káddemát na hod ay ummadene siya tu tattikádden ni Jesus. Sakay nagsanget, binisa na tu luwa na u tikád ni Jesus. Pinahidan na itod tu buuk na sakay inámmuwan na sakay dináttonan na ti pasáppot.

Lukas 7:44

Káttapos ay sinuleg na u bábbey sakay kinagi na ni Simon, “Netan mo i bábbiyáy? Summáddáppák ti bilay muwáy, pero awanák mo inatádden ti dinom a panguges ko ti tikád kuwáy. Pero siya ay binisa na ti luwa i tikád kuwáy sakay pinahidan na pa tu buuk na.

Gimet 10:19

Aisipán padla ni Pedro u gusto a kagiyán nu pangitain nikuna kagiyan siya nu Banal a Ispirito, “Te tállo a lállake a magehyok niko.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

2 Corinto 2:4

Dipo nikuna sulatan takam, ay grabiyák ti lungkut sakay balisa, magtákták luwa kuwáy mentras magsulaták. Sinulatan takam bakán a para atádden ti kalungkutan nan para ipabate ko nikam ni sa kodya ti kadakál u págmahal ko.

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

Filipos 1:29

Dipo ingkaluub nu Diyos nikam a sumampalataya ni Cristo pero bakán la a ina nan magtiis be ti hirap para nikuna.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

2 Timoteo 1:4

Maala-ala ko u págsanget mo tu itod sakay gugusto taka a ketan tánni magkahodák ti dakál a kasayaan.

Hebreo 12:17

Sakay tukoy moy be a káttapos ay inaged na tu ama na u pagpapala a para tu panganay. Pero awan dán maare dipo awan dan mabagu u ginimet na, maski ánya man u gimitán na a pagsise sakay págsanget.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.