Markos 9:10 - U Maganda A Baheta Ni Jesu-Cristo

¹⁰ Kanya awan de kinagi maskin ti deya i nangyariyan itod, pero nagtanungan hide ni ánya i gustuway a kagiyán ni Jesus tu kinagi na a mabiyag siya a huway.

Markos 9:10 Σταυροειδείς Αναφορές

Mateo 16:22

Inakit siya ni Pedro tu essa a suluk sakay pinagkagiyan ti konna he: “Panginoon, dyan nakwa payagen nu Diyos a mangyari ina! Awan dapat a mangyare iye niko.”

Markos 9:11

Sakay tinanung de ti Jesus, “Bakin a kákkagiyán nu tagapagtoldu hide tu Kautusan a kailangan kan pa a dumemát ti Elias bagu a dumemát u tagapagligtas ti munduwáy?”

Markos 9:32

Pero awan de naintendiyan u kinagi ni Jesus, sakay magalangan be hide a magtanung nikuna.

Markos 9:9

Nadid, nikuna a padegson dán hide tu buked ay mahigpit hide a kinagiyan ni Jesus a, “Diyan moy kagiyán maskin ti deya u netan moy, mentaras awanák mabiyag a huway, hikán a Anak nu tolay.”

Juan 12:16

Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.