Markos 8:29 - U Maganda A Baheta Ni Jesu-Cristo

²⁹ Tinanung hide ni Jesus, “Ay hikam deyaák tu pangisip moy?” Timmábbeg ti Pedro, “Hiko ti Cristo.”

Markos 8:29 Σταυροειδείς Αναφορές

Markos 4:11

Kinagi nide ni Jesus, “Nepagkaluub nikam u karapatan a matukuyan u lihim tungkul tu pághare nu Diyos, pero tu agum ay nekagi iye tu pamamag-itan nu talinghaga.

Lukas 9:20

Sakay tinanung na hide a huway, “Ay hikam, ánya be u makagi moy tungkul nikán?” “Hiko u Cristo a inpananto nu Diyos!” Kagi ni Pedro.

Juan 11:27

Timmábbeg ti Marta, “On Panginoon, maniwalaák a hiko u Cristo, u Anak nu Diyos, a inuhay me a pademát he ti munduwáy.”

Juan 4:42

Kinagi nu tolay hide tu bábbey, “Maniwala kame dán nadid, bakán la tu pángpatunay mo, nan dipo hikame dán a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.”

Juan 6:68

Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Juan 6:69

Maniwala kame niko sakay tukoy me a hiko u Banal a pinaangay he nu Diyos.”

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

1 Pedro 2:7

Kanya i bituwan itod ay mahalaga nikitam a maniwala hide. Pero tu awan hide maniwala ay hide u mangpatunay tu Kasulatan, “U bito a inumádden nu mágbilay hide ay siya bál u mahalaga a mangtággád tu bilay.”

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.