Markos 8:17 - U Maganda A Baheta Ni Jesu-Cristo

¹⁷ Dipo tukoy ni Jesus ni ánya u pamágguhunan de, kanya kinagi na nide, “Bakin pamágguhunan moy a awan kam ti tawed a tinapay? Awan kam pad beman la makaintendi? Maigát pad beman la u isip moy?

Markos 8:17 Σταυροειδείς Αναφορές

Mateo 12:15

Pero tukoy ni Jesus u pinalano de kanya linakaden na itod a lugar. Makpal a tolay u umunonod nikuna sakay pinagpiyya na u atanan a te saket nide.

Mateo 15:17

Atanan a kanán nu essa a tolay ay angay tu tiyan na sakay iyattay na.

Mateo 16:7

Namágguhon u disepulus hide. Kinagi de, “Dipo wád a awan kitam ti tawed a tinapay kanya nakagi na itod.”

Markos 16:14

Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Markos 2:8

Tukoy ni Jesus u katoy tu isip de kanya kinagi na a agad, “Bakin magisip kam ti konna hina?

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Markos 6:52

dipo awan di palla naintendiyan maskin netan di dán u makataka-taka a ginimet ni Jesus tu tinapay; Umád de a maniwala dipo maigát u pusu de.

Markos 8:16

Namágguhon u disepulus hide ni Jesus, akala de, kanya na itod a kinagi ay dipo awan hide ti tawed a tinapay.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Juan 16:30

Tukoy me a tukoy mo u atanan a bagay, sakay awan ka dán kailangan a tanungán nu deyaman. Kanya maniwala kame a gábwat ka tu Diyos.”

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.