Markos 7:34 - U Maganda A Baheta Ni Jesu-Cristo

³⁴ Timmangad ti Jesus ti langet sakay immangás ti dakál, sakay kinagi na tu lállake, “Effata,” a u gustu na a kagiyán ay “Mabukasan talingamuwe!”

Markos 7:34 Σταυροειδείς Αναφορές

Markos 1:41

Kinagbiyan siya ni Jesus kaya kinahap na sakay kinagi na, “On gusto ko! magpiyya ka.”

Markos 15:34

Nikuna a mag-alas tres dán ti apon ay pimmákhaw ti Jesus ti mabegsák, “Eloi, Eloi, Lema Sabachthani?” a u gusto na a kagiyán ay “Diyos ko, Diyos ko, bakin a pinabayanák mo?”

Markos 5:41

Tinawiden ni Jesus u kamát nu anak sakay kinagi na, “Talita koum,” u gusto na a kagiyán ay “anak, umikat ka!”

Markos 6:41

Inalap ni Jesus u limma a tinapay sakay tu duwwa a ikan; tummangad siya ti langet sakay nagpasalamat tu Diyos. Káttapos ay hinati-hate na u tinapay sakay inyatád na tu disepulus na hide para iyatád di be tu tolay hide. Konna bi hod u ginimet na tu ikan sakay intagtag dibe.

Markos 7:35

Tu pákkakagi ni Jesus ti itod ay nakasaneg dán u lállake sakay makaupos dán siya ti maayus.

Markos 8:12

Nikuna a masaneg na iye ay immangás siya ti madisalad sakay kinagi na, “Bakin wád a magaged ti makataka-taka a bagay i tolayan iye hide? U tatahoden ay awanák ti makataka-taka a bagay a ipeta nikam.”

Lukas 18:42

Kinagi ni Jesus nikuna, “Mangyare u gustu mo! Maketa ka dán dipo tu pánniwala mo nikán.”

Lukas 19:41

Nikuna adene dán siya ti Jerusalem ay nagsanget siya nikuna matan-aw na u banuwan dipo kagbiyan na u tolay hide hod.

Lukas 7:14

Immadene siya sakay kinahap na u kabaong, kaya immimang u magusung hide. Kinagi ni Jesus, “Ulito kagiyan ko niko, umikat ka!”

Juan 11:33

Nahabag ti Jesus tu pákketa na a magsanget ti Maria sakay u Judio hide a kaguman na. Kanya nalungkut siya a tahod.

Juan 11:35

Sakay nagsanget ti Jesus.

Juan 11:38

Káddemát di Jesus tu páglábbángngan ay nalungkut dámman siya a tahod. U pinánglábbángngan de ni Lazaro ay kuweba a te takláb a dakál a bito.

Juan 11:41

Kanya inibutan de u bito. Timmangad ti Jesus ti langet sakay kinagi na, “Amáng, magpasalamaták niko dipo sinanigák mo.

Juan 11:43

Tu pákkakagi na ti iye ay pimmákhaw siya sakay kinagi na, “Lazaro, lumuwas ka!”

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Gimet 9:34

Kinagi nikuna ni Pedro, “Eneas, pinagpiyya ka dán ni Jesu-Cristo. Tumaknág ka sakay isáddi mo i abák muwe!” Pagdaka a immikat ti Eneas.

Gimet 9:40

Pinaluwas ni Pedro u atanan a katolayan sakay limmuhud a nagdasal. Káttapos ay ummatubang siya tu bangkay sakay kinagi na, “Tabita, umikat ka dán!” Bimmulag ti Tabita sakay pákketa na ni Pedro ay immetnod siya.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.