Markos 7:31 - U Maganda A Baheta Ni Jesu-Cristo

³¹ Káddemát ni Jesus a gábwat tu lugar a Tiro, nagtaleb siya ti Sidon, sakay naglebut tu lugar ni Decapolis, sakay káttapos ay nagdiretso siya tu dinom ni Galilea.

Markos 7:31 Σταυροειδείς Αναφορές

Mateo 11:21

“Kakagbi kam a taga Corazin sakay Betsaida. Dipo ni u ginimet ko a himala hide nikam ay nangyare ti Tiro sakay ti Sidon tu itod ay nagsisi nakwa hide. Nagbadu nakwa hide ti kostal sakay sássapwagan de u ulo de ti abu bilang pángpeta a nagsisi hide.

Mateo 4:18

Nadid tu páglakad ni Jesus tu digdig nu minalno nu Galilea, ay netan na u duwwa a lállake a magsabud dipo mángngikan hide. Matkaka u duwwa, u ngahan nu essa ay ti Simon, u palayaw na ay Pedro sakay u essa ay ti Andres.

Mateo 4:25

Sakay immunonod nikuna u makpal a tahod a tolay a taga Galilea, taga Decapolis, taga Jerusalem, taga iba-iba a banuwan ni Judea sakay u mágyan hide tu banuwan a dibilew nu Jordan.

Markos 5:20

Kanya limmakad u lállake sakay immangay ti Decapolis sakay imbaheta na hod u ginimet nikuna ni Jesus. Sakay nagtaka u atanan a nakasaneg tungkul tu pangyayare.

Markos 7:24

Nadid ay limmakad hod ti Jesus, immangay siya tu lugar a Tiro sakay ti Sidon. Káddemát na hod ay timmulos siya tu essa a bilay, umád na nakwa a matukuyan nu tolay hide a dimmemát siya; pero awan na netagu.

Markos 7:30

Simmole u bábbey, sakay nedemáttan na u anak tu págkatdugan na. Nilakaden ngani dán siya nu madukás a ispirito.