Markos 7:26 - U Maganda A Baheta Ni Jesu-Cristo

²⁶ I itod a bábbey ay bakán a Judio, nan taga-Sirofenicia siya. Nákkekagbi siya ni Jesus a palakadán na u mágkadukás a ispirito tu anak na.

Markos 7:26 Σταυροειδείς Αναφορές

Mateo 15:22

Hod ay te immadeni nikuna a bábbey a taga Canaan a mabegsák a magpakhaw a nákkekagbi nikuna “Panginoon a Anak ni David, kagbiyanák mu ped. U anak ko a bábbey ay hinayup. Pahirapan siya a tahod nu madukás a ispirito.”

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Markos 7:25

Tehhod hod a essa a bábbey a sináddáp ni madukás a ispirito u anak na. Tu pákkasaneg na ni Jesus ay inumangay hod siya a agad, sakay limmuhud siya tu atubang na.

Markos 7:27

Pero kinagi ni Jesus tu pamamag-itan nu essa a talinghaga. “Dapat ku pa a pakanán u anak ko, dipo awan tama a alapán u kanán nu anak sakay ipakan tu aso.”

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.