Markos 6:51 - U Maganda A Baheta Ni Jesu-Cristo

⁵¹ Simmakay siya tu abang sakay bigla a timmahan u mabegsák a pahás. Sakay nagtaka hide ti husto,

Markos 6:51 Σταυροειδείς Αναφορές

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Markos 1:27

Nagtaka u atanan, kanya namágtanungan hide, “Ánya iye? Bigu a toldu? Mautusan na pate u mágkadukás hide a ispirito sakay sumunud be nikuna.”

Markos 2:12

Tummaknág ngani u paralitiko samantala umaeleng u atanan a tolay. Agad na a tinawed u kákkatdugen na sakay lummakad, kanya atanan a katoy hod ay nagtaka. Nagpure hide tu Diyos sakay kinagi de, “Awan kami padla naketa ti konna he maskin nikasangan”!

Markos 4:39

Immikat ti Jesus sakay pinaimang na u pahás ay tu tagmák. Kinagi na tu pahás, “Umimang ka dán!” sakay kinagi na tu tagmák, “Lumantap ka dán!” Ummimang ngane u pahás sakay limmantap u diget.

Markos 4:41

Garabi u ánteng de sakay nagtaka hide. Kinagi de tu bawat essa, “Ti deya wád iye? Maski u pahás sakay u tagmák ay sumunud nikuna!”

Markos 5:42

Kaya pagdaka a immikat u anak sakay naglakad, sakay nagtaka a tahod u atanan tolay hod. U anak ay sapulo ay ti duwwa dán a taon.

Markos 6:32

Kanya simmakay hide tu abang, sakay immangay hide tu tahimik a lugar.

Markos 7:37

U atanan a nakasaneg ay nagtaka hide a tahod, kinagi de, “Maganda u gimet ni itona a lállake! maski u buhák ay naketa, sakay u bulol hide ay pagupusán na hide ti maganda.”

Juan 6:21

Masaya hide a nangpasakay ni Jesus tu abang sakay pagdaka hide a nakademát tu angayan de.