Markos 6:25 - U Maganda A Baheta Ni Jesu-Cristo

²⁵ Kanya nagalalisto a simmole u madiket tu kán Hare a Herodes sakay kinagi na, “U gustu ko ay iyatád mo nikán nadid be u ulo ni Juan a Mágbawtismo a keddátton tu essa a penggan.”

Markos 6:25 Σταυροειδείς Αναφορές

Mateo 14:8

Dipo tu utus nu ina na ay kinagi nu madiket ni Herodes a “Mahal a hare, gustu ko a iyatád mo nikán u ulo ni Juan a mágbawtismo a nakadátton tu dakál a penggan.”

Mateo 3:1

Nadid kállipas nu makpal a taon sakay nágyan padla ti Jesus ti Nazaret ay dummemát tu kaparangan ti Judea u essa a tolay a u ngahan na ay ti Juan a mágbawtismo. Sakay nágyan siya hod sakay nagsapul a nagtoldu.

Markos 6:24

Pákkasaneg hod nu madiket ay limmuwas siya sakay tinanung na u ina na ni ánya u agidán na. Kanya kinagiyan siya nu ina na a agidán na u ulo ni Juan a Mágbawtismo.

Markos 6:26

Tu pákkasaneg hod nu hare ay tunay u lungkut na, pero dipo nagpananto siya tu atubang nu bisita na hide ay awan siya maka-adi tu madiket.

Roma 3:15

Tu badit la a dahilan ay agad dán hide a mamuno ti tolay.