Markos 6:14 - U Maganda A Baheta Ni Jesu-Cristo

¹⁴ Nadid ay nabaheta ni Hare a Herodes u tungkul ni Jesus, dipo kilala dán siya nu makpal a tolay. Tehhod be a magkagi a ti Juan a Mágbautismo ay nabiyag a huway kaya makagimet ti Jesus ti makataka-taka a bagay.

Markos 6:14 Σταυροειδείς Αναφορές

Mateo 9:31

Pero imbábbaheta de tu atanan a taga Galilea u tungkul ni Jesus.

Markos 1:28

Dipo hod ay mabilis a kimmalat tu buo a Galilea u baheta tungkul tu ginimet ni Jesus.

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Markos 8:28

Timmábbeg u disepulus na hide, “U kagi nu agum ay ti Juan a Mágbawtismo ka kan; u kagi be nu agum ay hiko kan ay ti Elias; u kinagi be nu agum ay essa ka kan tu prupeta hide nu Diyos.”

Lukas 13:31

Ti odas biyan itod ay te sangan a Pariseo a ummadene ni Jesus sakay kinagi de, “Lumakad ka dán he, dipo gusto ka a ipabuno ni Herodes.”

Lukas 3:1

Ti panahunan itod ay sapulo dán ay ti limma a taon u pághare ni Tiberio ti Roma. Ti Poncio Pilato ay gubernador ti Judea sakay ti Herodes ay gubernador ti Galilea. U wadi na a ti Felipe ay gubernador tu lugar a Iturea sakay ti Traconite sakay gubernador be ti Lisanias ti Abilinia.

Lukas 7:17

Kimmalat u baheta tungkul ni Jesus tu buo a Judea sakay tu palebut na hide a banuwan.

Lukas 9:19

Timmábbeg hide, “Te sangan a magkagi a ti Juan a Mágbawtismo ka kan. Pero kagi be nu agum ay ti Elias ka kan, sakay te nagkagi be a essa ka tu prupeta hide tu itod a panahun a nabiyag a huway.”

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.