Markos 6:11 - U Maganda A Baheta Ni Jesu-Cristo

¹¹ Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Markos 6:11 Σταυροειδείς Αναφορές

Mateo 12:36

Ikagi ko nikam a panagutan moy u bawat upos moy a madukás tu Aldew nu Pághukom.

Markos 6:10

Kinagi na be nide, “Ni pinatulos dikam tu essa a bilay ay mágyan kam hod mentras awan kam lumakad ti itod a banuwan.

Lukas 9:5

Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

2 Pedro 2:6

Pinarusaan be nu Diyos u banuwan a Sodoma sakay Gomora dipo tu kasalanan de, para ipeta tu mággagimitán ti mágkadukás u sangpáttán de.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

1 Juan 4:17

U págmahal ay nagin ganap nikitam kanya awan tam kantingan u Aldew nu Pághukum. Dipo nabiyag kitam a konna tu kákkabiyag ni Cristo, maski katoy kitam palla ti munduway.

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.