Markos 5:37 - U Maganda A Baheta Ni Jesu-Cristo

³⁷ Sakay awan pinayagen ni Jesus a mákkuyog u katolayan maliban di Pedro sakay u matkaka a di Santiago ay ti Juan.

Markos 5:37 Σταυροειδείς Αναφορές

Mateo 17:1

Nadid kállipas nu annám a aldew, kinuyog ni Jesus ti Pedro sakay u matkaka a di Santiago sakay ti Juan. Tinohbuk de u essa a malangkaw a buked.

Mateo 26:37

Pero kinuyog na ti Pedro sakay u duwwa a anak ni Zebedeo. Sakay nabalisa siya sakay nalungkot a tahod.

Markos 14:33

Ingkuyog na di Pedro, Santiago, sakay ti Juan. Nadid, nabalisa siya a tahod.

Markos 9:2

Kállipas nu ánnám a aldew ay simmangkay ti Jesus tu essa a malangkaw a buked. Awan siya ti agum a kinaguman nan di Pedro, Santiagu sakay ti Juan la. Nikuna hed hide hod ay netan de a nagbagu u idsura ni Jesus.

Lukas 8:51

Káddemát ni Jesus tu bilay ni Jairo ay awan na ingkuyog u agum tu sáddáp nan di Pedro, Juan, Santiago, tama na sakay tena na la nu madiket.

Gimet 9:40

Pinaluwas ni Pedro u atanan a katolayan sakay limmuhud a nagdasal. Káttapos ay ummatubang siya tu bangkay sakay kinagi na, “Tabita, umikat ka dán!” Bimmulag ti Tabita sakay pákketa na ni Pedro ay immetnod siya.

2 Corinto 13:1

Nadid, iye u katállo ko a káangay hina nikam. Kinagi tu Kasulatan. “U ánya man a kaso ay kailangan a tehhod a duwwa oni tállo a magtistigu.”