Markos 5:27 - U Maganda A Baheta Ni Jesu-Cristo

²⁷ Nikuna a nabaheta na u makataka-taka a ginimet ni Jesus ay nákpágálditan siya tu tolay hide para matawiden nala u damit ni Jesus.

Markos 5:27 Σταυροειδείς Αναφορές

Mateo 14:36

Nákkekagbi u te saket hide a ni maari de a kahapán maski u garayan la nu damit na. U atanan a kumahap ay nagpiyya.

Markos 5:26

Makpal a hirap u nadanas na tu págpagamot na tu sari-sare a mággamot. Naubus na dán u atanan a ari-ariyan na tu págpagamot, pero awan nagpiyya nan lalu pa a himmigpit u saket na.

Markos 5:28

Dipo naisip nu bábbey: “Ni makahap kula i damit nae ay magpiyyaák dán.”

Markos 6:56

Maskin hádya siya a umangay, tu babaryo, tu banu-banuwan, oni tu buki-buked ay iyangay di nikuna u te saket hide, tu lugar a pagipun-ipunan nu tolay hide. Nákkekagbi hide ni Jesus ani maare ay pakahapán na u kessaket hide maskin u garayan nu damit na. Sakay u atanan nu makakahap ay magpiyya.

Gimet 19:12

Maski panyo oni badu a ginamit ni Pablo ay iyangay de tu tehhod hide a saket. Nagpiyya hide maski u madukás hide a ispirito a magpahirap nide ay lumakad.

Gimet 5:15

Inyangay nu tolay hide tu karsada u te saket hide sakay pinágkatdug de hide tu katre sakay u agum ay ti abák, tánni tu káttaleb ni Pedro ay malenduman hide nu anino na.