Markos 4:41 - U Maganda A Baheta Ni Jesu-Cristo

⁴¹ Garabi u ánteng de sakay nagtaka hide. Kinagi de tu bawat essa, “Ti deya wád iye? Maski u pahás sakay u tagmák ay sumunud nikuna!”

Markos 4:41 Σταυροειδείς Αναφορές

Mateo 14:32

Nikuna sinumakay dán hide a duwwa tu abang ay immimang be u dahugase.

Mateo 8:27

Nagtaka u atanan a hod tu abang sakay namagtanungan hide “Anya a kalase a tolay iye a maski u pahás sakay tagmák ay sumunud nikuna?”

Markos 4:40

Káttapos ay kinagi na tu disepulus na hide, “Bakin a manteng kam? Hanggan pad beman nadid ay awan kam pad la ti pánnampalataya nikán?”

Markos 5:1

Nadid ay nakademát dán hide tu dibilew nu minalno, tu lugar nu Garaseno hide.

Markos 5:33

Palibhasa tukoy nu bábbey u nangyare, kanya immadene siya a magpágpág ti ánteng sakay limmuhud tu atubang ni Jesus. Sakay kinagi na u buo a tatahoden tungkul tu nangyare nikuna.

Markos 7:37

U atanan a nakasaneg ay nagtaka hide a tahod, kinagi de, “Maganda u gimet ni itona a lállake! maski u buhák ay naketa, sakay u bulol hide ay pagupusán na hide ti maganda.”

Lukas 4:36

Nagtaka hide a atanan kaya namágtanungan hide a kinagi de, “Ánya wád iye a kakalase a pággupos? Makapangyariyan sakay mabisa. Paibután na u madukás a ispirito sakay sumunud be hide tu kagiyán na!”

Lukas 8:25

Tinanung na hide, “Hádyarán u pánnampalataya moy?” Tu ánteng de sakay tu taka de ay namágtanungan hide, “Deya wád iye a katolay? Maske u pahás sakay u dalondun ay utusan na sakay sumunud be hide nikuna!”

Hebreo 12:28

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng;

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”