Markos 4:38 - U Maganda A Baheta Ni Jesu-Cristo

³⁸ Tidug ti Jesus a nakapunganan tu dipos nu abang. Linukag siya nu disepulus na hide, “Maisto, awan ka beman ti pák-alam maski malimás kitamon?”

Markos 4:38 Σταυροειδείς Αναφορές

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 8:25

Angay siya nilukag nu disepulus na hide sakay kinagi di nikuna “Panginoon tulungan mo kami. Malimás kami.”

Markos 4:37

Mentaras a mággabang hide ay inabut hide nu mabegsák a bagyo, salpuk-salpukán nu dáddakkál a tagmák u abang de kaya halus maputat dán ti limas.

Markos 4:39

Immikat ti Jesus sakay pinaimang na u pahás ay tu tagmák. Kinagi na tu pahás, “Umimang ka dán!” sakay kinagi na tu tagmák, “Lumantap ka dán!” Ummimang ngane u pahás sakay limmantap u diget.

Lukas 8:24

Kaya inadeniyan siya nu disepulus na hide sakay linukag, “Panginoon, matay kitamon!” kagi de. Immikat ti Jesus sakay sinaway na u pahás sakay u dalondun. Káttapos ay lummantap u tagmák.

Juan 4:6

Ketan hod u bal-ung a kinaliyan ni Jacob. Káddemát di hod ay nággetnod ti Jesus tu gibis nu bal-ung, ta napagud siya a naglakad. Halus magtatanghale dán u aldew.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

1 Pedro 5:7

Ipebahala moy tu Diyos u atanan a kabalisaan moy hide dipo siya u mángmalasakit nikam.