Markos 3:11 - U Maganda A Baheta Ni Jesu-Cristo

¹¹ Ni ketan siya nu tolay hide a sináddáp nu madukás a ispirito ay lumuhud hide tu atubang na sakay pumákhaw, “Hiko u Anak nu Diyos!”

Markos 3:11 Σταυροειδείς Αναφορές

Mateo 14:33

Sinamba siya nu disepulus na hide, kinagi de “Talaga a hiko ngane u Anak nu Diyos.”

Mateo 4:3

Sakay immangay nikuna ti Satanas sakay kinagi na “Ni tatahoden a hiko u Anak nu Diyos ay ipeta mo. Gimitán mo a makan i bitowe hide.”

Mateo 4:6

Sakay kinagi ni Satanas ni Jesus “Ni hiko u Anak nu Diyos ay tumápduk ka dipo nesulat tu Upos nu Diyos a ‘Utusan nu Diyos u anghel na hide a mangbantay niko. Kanya sangbután di ka tánni awan ka maánya.’ ”

Mateo 8:29

Pagdaka hide a pinumakhaw “Anak nu Diyos ánya u gimitán mo nikame? Inumangay ka beman he para parusaan kami maski awan padla odas nu pághirap me?”

Markos 1:1

Nadid, iye u Maganda a Baheta tungkul ni Jesu-Cristo, u Anak nu Diyos.

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Lukas 8:28

Pákketa na ni Jesus ay pimmákhaw siya sakay limmuhud tu atubang na. Sakay kinagi na ti mabegsák, “Jesus a Anak nu Diyos a dakila, ánya pák-alam muway nikán? Kagbiyanák mo ped, dyanák mo parusaan.”

Gimet 16:17

Tagu-tagubetan na kame ay di Pablo, sakay mágpapákhawán ti konna he, “Iye hide a tolay u tagapagserbi nu Kataasan a Diyos! Immangay hidehe para ibaheta de nikam ni kodya kam a maligtas!”

1 Corinto 11:34

Ni tehhod nikam a magaláp, ay kuman pala tu bilay de tánni awan umabut ti hatul a kaparusaan u pamággipun-ipun moy. Tungkul be tu agum pa hide a bagay, ay saka ko dálla ayusán káddemát ko hina.

Santiagu 2:19

Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.