Markos 2:28 - U Maganda A Baheta Ni Jesu-Cristo

²⁸ Kaya u Anak nu Tolay ay te kapangyariyan a mángkagi ni ánya u tama a gimitán tu Aldew nu Káimang.”

Markos 2:28 Σταυροειδείς Αναφορές

Mateo 12:8

Dipo hikán a Anak nu Tolay ay u Panginoon nu Aldew nu Káimang.”

Markos 2:27

Kinagi be ni Jesus, “Netakda u Aldew nu Kaimang para tu kapiyyaan nu tolay; bakán a nilalang u tolay para tu Aldew nu Kaimang.

Markos 3:1

Nadid, simmáddáp a huway ti Jesus tu sinagoga. Nedemáttan na hod u essa a lállake a patay u essa na a kamát.

Markos 3:4

Káttapos ay tinanung nabe u tolay hide, “Ánya beman u ayun tu Kautusan, u maggimet ti maganda oni maggimet ti madukás tu Aldew nu Káimang? U mángligtas ti biyag oni mamuno?” Pero awan hide timmábbeg.

Lukas 6:5

Sakay kinagi pa ni Jesus, “U Anak nu Tolay u makapángkagi ni ánya u dapat a gimitán tu Aldew nu Káimang.”

Juan 5:17

Pero kinagi ni Jesus nide, “Tulos-tulos u trabaho nama ko hanggan nadid, konnaák la bi hod.”

Juan 9:14

Ti itod ay Aldew nu Káimang, nikuna a naggimet ti Jesus ti lusak sakay pinagpiyya u buhák.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Efeso 1:22

Impasakup be nu Diyos tu kapangyariyan ni Cristo u atanan a bagay, sakay siya u indátton na a puno tu mánnampalataya hide.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.