Markos 2:25 - U Maganda A Baheta Ni Jesu-Cristo

^25-26 Tinábbeg be hide ni Jesus, “Awan moy padla beman nabasa u ginimet ni David nikuna ti Abiatar u pinakapuno a saserdote? Nikuna a nagaláp ti David sakay u kaguman na hide dipo awan ti makan, summáddáp siya tu bilay nu Diyos sakay kimman tu tinapay a alay tu Diyos. Inatádden na pa u kaguman na hide. Ayun tu Kautusan, u saserdote la u tehhod a karapatan a kuman ti itod.”

Markos 2:25 Σταυροειδείς Αναφορές

Mateo 19:4

Timmábbeg ti Jesus, “Awan moy beman nabasa tu Kasulatan a tu sapul ay nilalang hide nu Diyos, lállake sakay bábbey?

Mateo 21:16

Sakay tinanong de ti Jesus, “Nasaneg mo beman u kagiyan de?” “Nasaneg ko,” tábbeg ni Jesus. “Awan moy beman nabasa u nesulat tu Kasulatan ‘Tinolduwan mo u anak hide sakay u sumuso palla hide a magpuri niko.’ ”

Mateo 21:42

Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’

Mateo 22:31

Tungkol be tu huway a kákkabiyag, awan moy padla beman nabasa tu Kasulatan u kinagi nikam nu Diyos? Kinagi na,

Mateo 4:2

Hod ay nagkulasyon ti Jesus ti áppat a pulo a aldew ay ti gibi. Sakay nagaláp siya.

Markos 12:20

Nadid, kinagi de, “Tehhod a pitto a mátkaka tu itod a lállake. Nákkabanga u ákka, pero natay a awan ti anak.

Markos 12:26

Tungkul be tu kákkabiyag a huway, awan moy pad beman la nabasa u insulat ni Moises? Nikuna a hod siya tu maggangat a kayo, kinagi nikuna nu Diyos, ‘Hikán u Diyos ni Abraham, U Diyos ni Isaac sakay u Diyos ni Jacob!’

Markos 2:24

Sakay kinagi nu Pariseo hide ni Jesus, “Ilingán mo i gággimitán ni disepulus muwe hide. Mahigpit itona a ipagbawal nu Kautusan tu Aldew nu Káimang!”

Lukas 10:26

Timmábbeg ti Jesus, “Ánya beman u nakasulat tu Kautusan? Ánya beman u mabasa mo hod?”