Markos 2:20 - U Maganda A Baheta Ni Jesu-Cristo

²⁰ Pero dumemát u aldew a meadeyo nide u lállake a inkasal, kaya hod padla hide a magkulasyon.”

Markos 2:20 Σταυροειδείς Αναφορές

Mateo 26:31

Kinagi ni Jesus nide, “Ti gibiyan iye, hikán ay ginanan moy a atanan konna tu kinagi tu Kasulatan, ‘Bunuwan ko u pastol sakay magkawatakwatak u tupa hide.’

Mateo 9:15

Timmábbeg ti Jesus “Maari beman a magdalamhate u nákpagkasal hide ni kaguman di palla u lállake a ikasal? Siyempre awan. Pero dumemát u aldew a alapán de u lállake a ikasal, hod dán hide a magkulasyon.

Markos 2:19

Timmábbeg ti Jesus, “Dapat beman a magkulasyon u tolay hide tu kasalan mentaras kaguman di palla u lállake a inkasal? Awan! Mentaras kaguman di padla siya ay awan di itod gimitán.

Markos 2:21

“Awan ti magáppol ti bigu a risato tu date a damit dipo ni nabatak u bigu a risato, mabatak u ináppolan sakay lalo a dumakál u pisad.

Lukas 17:22

Káttapos ay kinagi na tu disepulus hide, “Dumemát u panahun a gustuwán moy a ketan u Anak nu Tolay maskin essa aldew la, pero awan mangyare itod.”

Lukas 5:35

Dumemát u aldew a mehiwalay dán u kinasal, saka palla hide a magkulasyon.”

Juan 12:8

U mágkahirap hide ay pirme moy a kakaguman, pero hikán ay awan dan magmalay a kakaguman moy.”

Juan 13:33

Kinagi pa ni Jesus, “Anak ko hide, sabaditák moy dálla a odas a makaguman. Ehyukánnák moy, pero konna tu kinagi ko tu pinuno nu Judio hide, awan kam makaangay tu angayan ko.

Juan 16:28

Naggábwaták ngane tu Ama sakay immangayák he ti munduwáy. Pero nadid ay lumakadák dán he ti munduwáy ta soliyák dán tu Ama.”

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

Juan 17:11

Sakay nadid ay soliyák dán niko, iwahak ku dán i munduwáy, pero hide ay manatile hide he ti munduwáy. Ama a Banal, bantayan mu ped hide tu pamamag-itan nu kapangyariyan nu ngahan mo, a inyatád mo nikán, tán magin essa hide a konna nikita.

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 3:29

Konna tu essa a bábbey a ikasal, u bábbey a ikasal ay para tu lállake a ikasal, u kaibigan nu ikasal ay masaya a maguhay tu káddemát nu lállake a ikasal. Konnaák bi hod, tunay i kasayaan kuwáy nadid ta angay dán u tolay hide tu kán Jesus.

Gimet 1:9

Pákkakagi na ti iye, ay mágga-oontok dán siya a patamo ti langet. Mentaras umáeleng hide nikuna a paontok, ay tinakáppan siya nu diklám sakay agad siya a nawan tu pangileng de.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 11:2

Dakál u págmalasakit ko nikam konna tu págmalasakit nu Diyos. Konna kam tu essa a malinis a madiket a ingkasundu ko tu essa a lállake, ni Cristo.

2 Corinto 11:27

Nadanas ko be u matindi a hirap sakay pagud, pirme a magpuyat, matindi a aláp sakay uwaw. Nagdanasák ti dágnen dipo awanák ti mealikábkáb.

2 Corinto 6:5

Binálbág di kame, impireso, sakay ginulo kame nu katolayan. Nadanas me a magtrabaho ti husto, awan mátdug ti magdamag sakay awan kuman ti sangan a aldew.

Pahayag 19:7

Dapat kitam a magsaya sakay puriyán tam siya, dipo dummemát dán u kasal nu Tupa. Sakay nakahanda dán u kakasal na a bábbey.

Pahayag 21:9

Immadene nikán u essa tu pitto hide a anghel a te tatawed a pitto a malukung a putat tu pitto a katapusan a salut. Kinagi na, “Karon he, ta ipeta ko niko u bábbey a magin kabanga nu Tupa.”