Markos 2:17 - U Maganda A Baheta Ni Jesu-Cristo

¹⁷ Nasaneg iye ni Jesus kanya siya u tummábbeg, “Awan kailangan nu tolay a awan ti saket u mággamot, nan u tessaket la. Ummangayák he támpara dulawán u makasalanan hide, bakán a u awan hide ti kasalanan.”

Markos 2:17 Σταυροειδείς Αναφορές

Mateo 18:10

Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Lukas 15:29

Pero kinagi nu panganay, ‘Nagserbiyák niko ti makpal a taon sakay maski nikan ay awan taka sinuway. Pero maski ni pumensan ay awanák mo inatádden maskin essa a bul-o a kambing para pagkasayaan me ay tu barkada ko hide.

Lukas 15:7

Kagiyán ko nikam, magkahod ti dakál a kasayaan ti langet dipo tu essa a makasalanan a nagsise nan tu siyam a pulo ay ti siyam a malinis a awan kailangan a magsise!”

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Lukas 19:10

Dipo u Anak nu Tolay ay immangay he tánni ehyukán sakay iligtas u nágketawtaw hide.”

Juan 9:34

Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.

Juan 9:40

Nasaneg iye nu Pariseo hide a katoy hod, kanya nagtanung hide, “U gusto mu be man a kagiyán ay buhák kame be?”

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.