Markos 2:14 - U Maganda A Baheta Ni Jesu-Cristo

¹⁴ Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.

Markos 2:14 Σταυροειδείς Αναφορές

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Markos 2:15

Nikuna kuman ti Jesus sakay tu disepulus na hide tu bilay ni Levi, kaguman de a kuman u mágsingeh hide ti buwes sakay u agum pa hide a makasalanan, dipo makpal a konna he a tolay a nákkuyog ni Jesus.

Markos 3:18

ti Andres, ti Felipe, ti Bartolome, ti Mateo, ti Tomas, ti Santiago a anak ni Alfeo, ti Tadeo, ti Simon a makabayan,

Lukas 6:15

Mateo, Tomas, sakay ti Santiago a anak ni Alfeo, ti Simon a makabayan,

Gimet 1:13

Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.