Markos 2:1 - U Maganda A Baheta Ni Jesu-Cristo

¹ Nadid, kállipas nu sangan a aldew ay nagsole ti Jesus ti Capernaum. Sakay kimmalat u baheta a hod siya tu bilay a páppágyanan de.

Markos 2:1 Σταυροειδείς Αναφορές

Mateo 4:13

Sakay awan dán siya nágyan ti Nazaret, inumagton siya ti Capernaum. Iye a banuwan ay adeni tu minalno a hod tu pag-itan nu págyanan nu lahi hide ni Zabulon sakay Neftali.

Mateo 9:1

Kanya sinumakay ti Jesus tu abang de sakay inumahabes hide a tulos tu banuwan a Capernaum.

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Markos 2:2

Kanya naipun hod u makpal a tolay, ngahi-ngahe a awan ti mapuwestuwan maski tu luwas nu pintuwan.

Markos 3:20

Tu kássole ni Jesus tu bilay a táttulusan na ay nagdemáttan a huway u tunay ti kakpal a tolay. Kanya awan dán hide ti odas a kinuman.

Markos 7:17

Káttapos ay linakaden na u tolay hide sakay simmáddáp siya tu bilay, nikuna a hod dán siya tu disalad ay tinanung siya nu disepulus na hide ni ánya u gusto a kagiyán ni talinghagaan itod.

Markos 7:24

Nadid ay limmakad hod ti Jesus, immangay siya tu lugar a Tiro sakay ti Sidon. Káddemát na hod ay timmulos siya tu essa a bilay, umád na nakwa a matukuyan nu tolay hide a dimmemát siya; pero awan na netagu.

Markos 9:28

Tu kássáddáp di Jesus tu bilay ay tinanung siya nu disepulus na hide ti lihim, “Bakin a awan me napalayas u madukás a ispirito?”

Lukas 4:23

Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’

Lukas 5:18

Nadid, tehhod a dummemát a sangan a tolay a te usung a paralitiko a kumákkatdug. Ipilit de a isaddáp tu bilay tánni meangay tu atubang ni Jesus.

Juan 4:47

Nikuna mabaheta na a nagsole dán ti Jesus ti Galilea a gábwat ti Judea ay immangay siya tu kán Jesus sakay nákkekagbi a umangay ti Jesus ti Capernaum sakay pagpiyyaán na u anak na a magipepatay dán.

Gimet 2:6

Pákkasaneg nu tolay hide tu galungogung a itod ay nagalalisto hide a immangay tu pamággipun-ipunan nu mánnampalataya hide. Nagtaka hide dipo nasaneg de a makapagupos dán u mánnampalataya hide tu upu-upos de.