Markos 16:7 - U Maganda A Baheta Ni Jesu-Cristo

⁷ Káttapos ay kinagi nu lállake nide, “Sumole kamon, sakay kagiyán moy tu disepulus na hide, lalo dán ni Pedro, a mágdipalongo siya nikam ti Galilea. Hod moy hod siya a ketan a konna tu kinagi na nikam.”

Markos 16:7 Σταυροειδείς Αναφορές

Mateo 26:32

Pero káttapos ko a mabiyag a huway ay mágdipalongowák nikam ti Galilea.”

Mateo 28:10

Kinagi nide ni Jesus, “Dyan kam manteng! Angay kam sakay kagiyan moy tu kákkapatkákka ko hide a umangay hide ti Galilea sakay ketanák de hod!”

Mateo 28:7

Alistuwan moy a angay ibaheta tu disepulus na hide a siya ay huway a nabiyag sakay mágdipalongo ti Galilea. Metan moy siya hod! Pakatandaan moy u kinagi ko nikam.”

Markos 14:28

Pero ni mabiyagák dán a huway ay mágdipalonguwák nikam a umangay ti Galilea.”

Markos 14:50

Ginuminan u atanan nu disepulus na hide sakay inwahak di siya.

Markos 16:8

Lummuwas hide tu páglábbángngan sakay nággaginanán hide a lummakad, magpágpág hide sakay magulu u isip de. Awan hide ti ingkagi a ányaman maskin deya dipo tu ánteng de.

Juan 21:1

Nadid, káttapos ni itoday hide a pangyayare ay pimmeta dámman ti Jesus tu disepulus na hide tu minalno nu Tiberias. Konna he u nangyare:

Gimet 13:31

Makpal a aldew a pimmeta siya tu nákkuyoyog hide nikuna ti Jerusalem a gábwat ti Galilea. Nadid, hide dán u mangpatunay tungkul nikuna.

1 Corinto 15:5

Sakay pummeta siya ni Pedro, sakay tu sapulo ay ti duwwa a apostol.

2 Corinto 2:7

Kaya patawadán moy dán siya sakay tulungan moy siya a magin matatag tu pánnampalataya na tánni awan siya matuluyan a manghina ti isip dipo tu matindi a kalungkutan.